Qazaqstan Respýblıkasy kezekten tys Prezıdent saılaýyna eki kúnde 5 úmitker ótinish bildirgen. Bul týraly búgin Qamshy.kz portaly habarlaıdy.

QR Ortalyq saılaý komısıasynyń baspasóz qyzmetiniń málimetinshe naýryzdyń 2-si kúni saılaý erejesiniń ózin-ózi usyný tártibi boıynsha Asqar Jorabaıuly Syrǵabevtan ótinish kelip túsken. Sondaı-aq, Qazaqstan Respýblıkasy oRtalyq saılaý komısıasyna naýryzdyń 3-i kúni atalmysh saılaý erejesi boıynsha 4 birdeı umitkerdiń usynysy tilkelgen. Ózin-ózi usyný tártibimen kandıdatýrasyn usynǵandar - Saıfolla Qalabaıuly Aldajanov, Lımana Qoıshıeva, Baqyt Tólegenuly Abdýkarımov jáne Sýhrab Amınjanuly Myrzashev. QR Prezıdentin saılaý naýqany barysynda 5 úmitkerden ótinish kelip túsken. Aıta ketetini, ótinish bildirgenderdiń arasynda bir áıel azamat ta bar. «Qazaqstan Respýblıkasyndaǵy saılaý týraly» Konstıtýsıalyq zańnyń 54-baby 2-tarmaǵyna saı, Prezıdenttikke kandıdattyń Konstıtýsıa men «Qazaqstan Respýblıkasyndaǵy saılaý týraly» Konstıtýsıalyq zań qoıatyn talaptarǵa sáıkestigin Ortalyq saılaý komısıasy ózin-ózi usyný týraly ótinish berilgen sátten bastap bes kúnniń ishinde anyqtaıdy.