2015 jyldyń 1 maýsymynda áıgili "Shakespeare's Globe" teatrynda "Djon Koról" spektakliniń premerasy ótedi.

Qoıylymdaǵy basty rólderdiń birin belgili skrıpkashy, "Almaty sımfonıalyq orkestriniń" kórkemdik jetekshisi Marat Bısenǵalıevtiń qyzy Arýhan somdaıdy.

Birneshe ǵasyrǵa sozylǵan tarıhy bar "Shakespeare's Globe" teatrynda alǵash ret jetekshi róldi túrki halqynyń ókili oryndaıdy.

Almatynyń mádenıet basqarmasynan málimdegendeı, qazaq qyzynyń enshisine buıyrǵan bul ról jas qyz úshin óte erekshe ári kúrdeli obraz. Rejıser James Dacre Fransıa patshaıymy, Lúdovık Vİİİ-diń jubaıynyń kúrdeli jáne jıyntyq obrazyn qazaqtyń qyzy ǵana asha alady dep sanaıdy.

Aıta ketsek, bizdiń otandasymyz budan buryn da akterlik sheberligin shyńdap, sahna tórine san márte kóterilgen. Orys tilinde halyq ánderin oryndap, rejıser Djo Raıttyń "Anna Karenına" fılmindegi basty keıipker Annanyń elesiniń rólin somdady.

2014 jyly boıjetken "Glasgow girls" televızıalyq jobasyna qatysqan.