Alys-jaqyn shetelderden Atajurtqa oralǵan qandastarymyzdyń

qoǵamdyq  uıymdarynyń

Qazaqstan halqyna

ÚNDEÝİ

Qurmetti otandastar!

Búginde álem úlken ózgeristiń aldynda tur. Ǵalamdy sharpyǵan qarjylyq daǵdarystyń saldary eńserilmeı jatyp, ekinshi tolqyny kele jatyr. Biz bıylǵy jylǵy Prezıdent saılaýyn –  alda bolýy múmkin osyndaı ǵalamdyq daǵdarys pen buralań joldardan alyp shyǵatyn ári Qazaqstannyń memlekettigin odan ári nyǵaıta túsetin asa mańyzdy strategıalyq qadam esepteımiz. Sol sebepti, ultaralyq birlik pen tatý­lyq­tyń sımvolyna aınalyp otyrǵan Qazaqstan halqy assambleıa­sy­nyń Prezıdent saılaýyn ótkizý bastamasy birden-bir durys, der ýaǵynda kóterildi. Biz bir aýyzdan qoldaımyz!

Atam qazaqta «te­mirdi qyzǵan kezinde soq!» degen qanatty sózi bar. Óıtkeni, alda «Qazaqstan-2050» Strategıasy,«Máńgilik el» ult­tyq ıdeıasymen táýelsiz Qazaqstannyń órkendeý jolyna jańasha sıpat beretin «Nurly jol» baǵ­darlamasy tur. Elbasy usynǵan bul jobalardyń barlyǵy tek qıyndyqtardy eńse­rýdiń joly ǵana emes uzaq ­mer­­zimdi damý jospary ári álemdi sharpyǵan daǵdarys daýylynan alyp shyǵatyn aıqyn baǵyt ekeni daýsyz. Sondaı-aq, qoǵamdy toptastyrýdyń, birlikke, kelisim men saıası turaqtylyqqa bastaıtyn sara jol dep bilemiz.

Damý joly jarqyn, bolashaǵy aıqyn Qazaq eliniń, Táýelsizdigi qolynda tursa ǵana, árbir kúni mereke, árbir tańy bereke. Qudaıǵa táýbe, Qazaqstan álemdik qaýymdastyq aldynda ózine júktelgen kez-kelgen mindetti qaımyqpaı kóterip, abyroımen atqaryp keledi. Sonyń jarqyn kórinisi –EYQU Astana samıti, Azıa oıyndary. Asa bedeldi halyqaralyq ınstıtýttardyń biri - Islam Konferensıasy Uıymynatóraǵalyq ettik.

Bıylǵy jyl da tarıhı oqıǵalarǵa toly bolǵaly otyr. Qazaq handyǵynyń 550 jyldyq mereıtoıy, Uly Jeńistiń 70, Qazaqstan Konstıtýsıasy men QHA-nyń 20 jyldyǵy, sondaı aq, EKSPO – 2017 halyqaralyq kórmesi jáne 2017 jyly Qysqy ýnıver­sıada oıyndary sekildi álemdik deńgeıdegi sharalar tur. Oǵan 2020 jylǵa qaraı Qazaqstan halqynyń sanyn 20 mıllıonǵa jetkizý kerek degen uly urandy qosyńyz.

Taǵdyrdyń jazýymen álemniń ár shalǵaıyna tarydaı shatyrap ketken qandastarymyzdyń Qara shańyraq – Qazaqstanda basyn qosýǵa arnalǵan Kóshi-qon saıasaty da Ult Kóshbasshysy Nursultan Nazarbaev tuńǵysh ári erte joldaǵan Uly bastama. Osynaý salıhaly saıasattyń arqasynda bir mıllıonǵa taıaý qandasymyz Otan qushaǵyna oraldy. Sonymen birge, osy Kóshti baıalatýǵa, toqtatýǵa talpynǵan kúshterdiń «Qandastarymyzǵa jol ashýymyz kerek. Qazaqtyń jeri keń. Ornalasamyn degen jerin ózi tańdasyn!» dep jolyn kesken taǵy Nursultan Ábishuly.

Soǵan saı, Elbasynyń tikeleı tapsyrmasymen Qazaqstan Úkimeti qaıta daıyndaǵan «Qazaqstan Respýblıkasynyń keıbir zańnamalyq aktilerine halyqtyń kóshi-qony jáne jumyspen qamtylýy máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańynyń jobasy qazir QR Parlamentiniń Májilisinde qaralýda. Demek, alda shetten keletin Qazaq kóshiniń ekinshi órleý kezeńi bastalmaq!

Árıne, munyń barlyǵyn qazaq eliniń tuńǵysh Prezıdenti, Ult Kóshbasshysynsyz óz deńgeıinde ótkizip shyǵý, múltiksiz oryndaý múmkin emes!

Biz – Táýelsizdik tańy atysymen alys-jaqyn shetelderden Atajurtqa oralǵan, Qazaqstan azamaty bolyp qalyptasqan qandastar qaýymy da mundaı tarıhı mańyzy zor, saıası jaýapkershiligi kúshti naýqannan shet qalýǵa haqymyz joq, belsendi túrde qatysamyz.

Saılaý – jalpyhalyqtyq demokratıanyń jarqyn kórinisi. Ári oǵan qatysyp, óz tańdaýymyzdy jasaý da úlken jaýap­kershilik dep sanaımyz.

Son­dyqtan, azamattyq qoǵam qurýshy erkin eldiń barlyq azamattaryn prezıdenttik saılaýǵa ún qosýǵa shaqyramyz!

          Ult Kóshbasshysy Nursultan Ábishuly Nazarbaevtyń kezeti saılaýǵa óz kandıdatýra usynýyn suraımyz!

Oralmandardyń «Asar» respýblıkalyq qoǵamdyq birlestigi,

Oralmandardyń «Jebeý» respýblıkalyq qoǵamdyq birlestigi,

«Balalar  shyǵarmashylyǵyn qoldaý»  qory,

«Demeý» ana men balalardy qoldaý qoǵamdyq  birlestigi,

Respýblıkalyq «Otandas El»  qoǵamdyq birlestigi,

«Alash jurty» qoǵamdyq birlestigi,

«Qazaqtaný»  respýblıkalyq  qoǵamdyq  birlestigi,

«Jezbuıda» respýblıkalyq jastar qoǵamdyq birlestigi.