Shymkentte úshem dúnıege keldi. Úsheýi de qyz bala. Árqaısysynyń salmaǵy 2,5 keliden dep habarlady "Ońtústik Qazaqstan" gazeti.
Úshemniń anasy Quralaı Taǵaeva 29 jasynda segiz sábı súıip, kópbalaly ana atanyp otyr.
"Úsh qyzymnan bólek bes perzentim bar. Onyń ekeýi egiz. Úshemniń aldynda egiz qyzdarymdy bosanǵan bolatynmyn. Endi jeti qyz jáne bir uldyń anasymyn", – deıdi qazyǵurttyq Quralaı.
Kópbalaly ana egiz qyzdary men úshemderin bosaný kezinde sapaly medısınalyq qyzmetin kórsetip, kómegin usynǵan Shymkent qalasyndaǵy №1 perınataldyq ortalyqtyń bas dárigeri men meıirbıkelerine alǵys aıtty.
Ońtústik Qazaqstan oblysy týý kórsetkishi boıynsha respýblıkada aldyńǵy orynda. Bul aımaqta egizder men úshemderdiń dúnıege kelýi erekshe jańalyq emes. Tórtem týǵan ana da - osy óńirden.
