Aıtpaqshy, naýyryz keldi. Basqa qalany qaıdam? Almatyda dybys joq. 1 qańtardy bir aı buryn alaýlatyp, jalaýlatyp bastaıtyn Ahmetjan myrzanyń aınalasy únsiz.
Biz qala kóshelerin aralap, Naýryz meıramyna baılanysty áldeqandaı ádemi bezendirýlerdi kóremiz be dep edik... Kózimizge túspedi. Sosyn «áı, osy biz kórmeı jatqan bolýymyz kerek» dep Ákimshilik qyzmetkerlerinen mán-jaıdy bilmek boldyq.
Áýelde Sanjar Omaruly Boqaev myrza basshylyq etetin Almaty qalalyq İshki saıasat basqarmasyna qońyraý shaldyq. Hatshy qyz "Aǵaı qazir jınalysta. Kesh shyǵady. Sizdiń suraqtaryńyzǵa tolyq jaýapty osy kisiler beredi" dep, qoǵamdyq-saıası jumys bóliminiń basshysy Asqat Óserbaevqa siltedi. Sodan Asekeń: "İshki saıasat basqarmasy Naýryz merekesin ótkizýge, onyń ıdeologıalyq mániniń úlkendigine beı-jaı qaramaıdy. Jaqynda BAQ betterinde biz bıylǵy Naýryz meıramyn jyldaǵydaı ortalyq alańda emes, M.Gorkıı atyndaǵy ortalyq saıabaqta atap ótetinimiz týraly aqparat taratqan bolatynbyz. Keıbir basylymdar muny saıası turǵydan burmalap áketipti. Negizi, osy ýaqytqa deıin ortalyq saıabaq jeke tulǵalardyń menshigine tıesili edi. Byltyrdan bastap saıabaq Qalalaq ákimshiliktiń balansyna ótti. Endi ári tynysh, ári jaıly orynda Naýryz merekesin ótkizýdi dástúrge aınaldyrý úshin bıyldan bastap, meıramdy sol jerde toılaıtyn bolamyz. Al meıramǵa daıyndyq sharalaryna jaýapty kisiler ári sizdiń saýaldaryńyzǵa tolyq jaýap beretin – qalalyq mádenıet basqarmasy. sol jaqqa habarlasyńyz", - dedi. Sodan Almaty qalalyq mádenıet basqarmasyna qońyraý shalǵan edik, ondaǵy hatshy qyz "buǵan jaýapty Shyǵarmashylyq jáne bilim beretin jobalardy uıymdastyrý bólimi" dep, Qasymova Raýshan Nurqasymqyzyna baǵyttady. Ol jaqtan telefon kótergen Araı Ybykenova esimdi hatshy qyz bizdi basshysymen baılanystyrýǵa asyqpady. Ary-beri qıpyqtap, trýbkany Raýshan hanymǵa áreń jalǵady. "Jaýap beretin jan tabyldy" dep qýana bergenimiz sol-aq eken, basshy hanym bar báleni PR jáne jarnama bólimine ıtergendeı boldy.
Tól merekemiz týraly bir ǵana suraqqa mardymdy jaýap taba almaı, endigi jerde sandalǵan beti Rashıda esimdi qyzǵa telefon shalýǵa májbúr boldyq. Rashıda hanym jańaǵy PR jáne jarnama bóliminde jumys isteıdi eken. Biraq, bul jolǵy áreketimiz de sátsiz shyqty. Raýshan Nurqasymqyzyna qaıta baılanysqa shyqtyq. Bul joly Rakeń ákimdiktiń baspasóz qyzmetin nusqady. Aqyry aınalyp kelip, Aıbar Qaınaruly Oljaı myrzanyń bólimine baılanysqa shyqtyq. Aıbar myrza bir degennen: «Naýryz meıramyna daıyndyq sharalary 8 naýryzdan soń bastalady, naýryz aıyndaǵy uıymdastyrylatyn barlyq sharalardy myna kesteden tabasyzdar", - dep aılyq josparyn usyndy. Oǵan da táýba destik.
Almaty qalalyq ákimdiginiń bólim-bólimderin telefon arqyly kezip júrip uqqanymyz - qandaı da bir suraqqa jaýap izdeseńiz keminde jeti bólimniń aldynan ótetin sıaqtysyz. Tipti «Naýyryz merekesiniń» bolatynynan habarsyz sıaqty...
Suraǵymyzǵa jaýap izdegendegi habarlasqan bólimderdiń kartasy tómendegideı boldy:
Al Aıbar myrzadan alǵan Almaty qalasynyń naýyryz aıyndaǵy is-sharalar jospary mynaý:
