"Nasha gazeta" tilshileri Qostanaıda ǵalamshardaǵy jasy eń úlken adamdardyń birin tapqanyn habarlady.

Basylym 3 naýryzda Marpýǵa Saltetkenovany 113 jasqa tolýymen quttyqtady.

Búginde álemdegi eń qart turǵyn Osakadaǵy 116 jasar japondyq qarıa dep eseptelinedi. Bizdiń kóp jasaǵan qostanaılyq apamyz rekordqa jaqyndap qaldy.

"On jyl buryn biz apamyzben jolyǵyp, oǵan zor densaýlyq tilegen bolatynbyz. Osy jylda, 8 naýryz merekesine qarsy bizdiń tilshimiz Fedor Mın ájemiz jaıly gazetimizge aqpar berdi. Biz Fedormen birge osy bir tamasha jannyń týǵan kúnine ana týraly óleńdi syıǵa tartyp, qonaq bolyp qaıttyq. Ol bizdi qandaı jyly qushaqpen qarsy alǵanyn bilseńizder ǵoı. Dastarhanda – baýyrsaq pen quımaqtar, júzinde – kúlki, tipti chastýshkalar da aıtyldy. Al ájemiz tipti keremet jan. Bizdiń quttyqtaýymyzǵa jaýap retinde ol aq tilekterin jaýdyryp, ózindeı uzaq ǵumyr tiledi. Bul tilek bizdiń barlyq oqyrmanǵa da septik bolar degen úmittemiz", - deıdi gazet tilshileri.

Apanyń jasy resmı rastalǵan. Jeke kýálikte keıýananyń jasy kórsetilgen

"Búgin dastarhan basynda ájemizdiń kelinderi, dostary, tanystary, men – onyń kindik qyzy otyr, – dep sóz bastady Roza Júnisova, - Marpýǵa-ájemizdiń keremet ómirdi súıetini seziledi. Úlken qyzy 89 jasta, ol da bir tóbe! Buǵan ne sebep ekenin biz jaqsy bilemiz – ol ómirinde eshkimge jamandyǵy joq, jaqsylyqqa jany jaqyn adam. Bizdiń aramyzda áli kóp jasaǵanyn qalaımyz".