Almaty. 5 Naýryz. Qamshy.kz – Ál-Farabı atyndaǵy QazUÝ shyǵystaný fakúlteti qytaıtaný kafedrasynyń uıymdastyrýymen Shyǵys mádenıeti festıvali saltanatty túrde ótti.
Festıváldiń maqsaty– qoǵam múshelerine álem órkenıetiniń oshaǵy sanalatyn tańǵajaıyp Shyǵys mádenıetin tanystyrý jáne qoǵamnyń ultaralyq hám mádenıetaralyq qarym-qatynas prosesine belsendi úles qosý.
2014 jyly 16 mamyrda tusaýy kesilgen Shyǵys Murajaıy –shyǵys halyqtarynyń rýhanı jáne materıaldyq mádenıetinen jan-jaqty habardar etetin jádigerler jınaqtalǵan jer. Qazirgi tańda Murajaıda antıkavarlyq buıymdar, shyǵys halyqtarynyń ulttyq mýzykalyq aspaptary, ulttyq kıimderi, qolóner buıymdary, áshekeıleri, shyǵys halyqtarynyń kúndelikti turmysynan habar beretin buıymdar jáne sırek kezdesetin qundy kitaptar qoıylǵan.
Shyǵys mádenıeti festıvali barysynda shyǵys halyqtarynyń baı rýhanı jáne materıaldyq mádenıetin kórsetetin ánder men bıler, ulttyq kıimder jáne ulttyq taǵamdar kórmesi uıymdastyryldy.
Shyǵys mádenıeti festıvali aıasynda shyǵys halyqtarynyń shaı ishý dástúri kórsetildi. Festıvál barysynda kelgen barsha qonaqtarǵa, qytaı, koreı, japon, úndi, túrik, arab, ıran halyqtarynyń dástúrli taǵamdarynan dám tatqyzyldy. Odan basqa, sol taǵamdardyń daıyndalýy haqynda qundy aqparat berildi.
Shyǵys halyqtary ulttyq kıimderi kórmesinde shyǵystyq istılde qoldan tigilgen kıimderdiń tusaýy kesildi. Festıvál aıasynda kórsetilegen kıimder álemdegi óte sırek te qundy týyndy dese bolady.
Festıváldiń qurmetti qonaqtary QHR-nyń Almaty qalasynda turatyn bas konsýly Djań Ýı jáne onyń mádenıet isteri jónindegi orynbasary Gaý Chyn, sonymen birge Mysyr eliniń Almaty qalasynda turatyn bas konsýly jáne Almaty qalasyndaǵy QHR munaı seriktestiginiń basshysy Fıı Jıan Shıń myrza jáne «Klon» seriktestiginiń basshysy Daýyl Hasen myrzalar tapjylmaı tamashalady, Fakúltet dekany Jýbatova B.N hanym jáne kafedra meńgerýshileri Nábıjan Muqamethanuly, Salqynbaev Muhıt, Sapashov Oraz, Em Natalá qatarly basshylar men oqytýshylyr quramy jáne stýdentter qatysty.
Qytaıtaný kafedrasy aǵa oqytýshysy Abdýraqyn Nurhalyq
