Astanada qoǵamdyq densaýlyq saqtaý basqarmasy WhatsApp jelisi arqyly menıngokok ınfeksıasyna baılanysty taralyp jatqan habarlamalarǵa qatysty pikir bildirdi.
Basqarmanyń málimdeýinshe, qaladaǵy epıdemıologıalyq jaǵdaı qalypty.
«Tıisti sharalardyń bári jasalyp jatyr. Qalanyń aýrýhanalary shtatty rejimde jumys isteýde. Qaladaǵy jaǵdaı Densaýlyq saqtaý mınıstrliginiń, Qoǵamdyq densaýlyq saqtaý komıteti departamenti men Astana qoǵamdyq densaýlyq saqtaý basqarmasynyń qatań baqylaýynda», - delingen vedomstvoda.
Belgili bolǵandaı, 29 mamyrda Astanada menıngokok ınfeksıasyn juqtyrǵan bolýy múmkin degen úsh jasar bala aýrýhanaǵa túsken.
«Balanyń búgingi jaǵdaıyn 29 mamyrdaǵy jaǵdaıymen salystyrsaq, áldeqaıda táýir bolyp keledi. Pasıent esin biledi, belsendi. Dıagnostıkanyń klınıkalyq hattamasyna sáıkes em qabyldap jatyr», - dedi basqaram.
Resmı derekterge sáıkes, jyl basynan beri Astananyń eresek turǵyndarynyń arasynda menıngokok ınfeksıasyna qatysty tórt jaǵdaı tirkelgen. Al vaksınasıaǵa keler bolsa, elorada aqyly vaksına bar. Ortasha baǵasy – 29 myń teńge kóleminde.
Menıngokok ınfeksıasy aýrýshańdyǵy kezendigimen sıpattalady - qysta jáne erte kóktemde aýrýshandyq joǵary.
Infeksıanyń berilý joly - aýaly-tamshyly (jótelgende, túshkirgende, sóıleskende). Infeksıa qozdyrǵyshy syrtqy ortada óte turaqsyz. Mıkrob deni saý adamnyń aǵzasyna naýqas nemese tasmaldaýshymen uzaq jáne tyǵyz qarym-qatynasta bolǵanda joǵarǵy tynys alý joldarynyń shyryshty qabyǵy arqyly enedi. Juqtyryp alǵan kezden bastap aýrýdyń bastalýyna deıin bir kúnnen on kúnge deıin ótedi. Naýqas alǵashqy kúninen bastap aınaladaǵylarǵa juqpaly.
Menıngıt úshin tán kenetten bastalýy: kútpegen jerden katty bas aýyrýy paıda bolyp, qusý, 6-15 saǵattan keıin bórt, temperatýrasy 39-40°S jetedi, qaltyraý. Teri bozǵylt. Jalpy álsizdik baıqalady,arqa jáne aıaq-qoldyń aýrady. Naýqastar shóldeıdi, tábeti tómendeıdi. Bul aýrý jeńil ótýi múmkindigin atap ótý qajet, sondyqtan óte sum retinde mundaı salystyrmaly "aıtarlyqtaı" aýrýdyń, tumaý, angına, tonzılıty jáne t. b. aýrýlardy eliktiredi. Aǵzanyń qorǵanys kúshiniń álsireýi týyndaǵan kezde qatty tońý, sharshaý, qajý qolaıly jaǵdaıda paıda bolady menıngokok shapshań qabyqtyń jáne mıdyń qabynýy enedi jáne qozdyrady.
Profılaktıka:
Aýrýdyń alǵashqy belgileri paıda bolǵan kezde kataraldyq qubylystarmen (tamaq qyzaryp, dene qyzýynyń kóterilýi, bas aýrýy, álsizdik) dárigerge kóriný qajet, onyń barlyq usynystaryn oryndańyz;
Túrli mádenı-buqaralyq is-sharalarǵa, júzý baseınderi, saýda-oıyn-saýyq ortalyqtarynda oıyn alańdaryna barýdy shekteý, jeke gıgıenany saqtaý qajet.
Ǵımarattardy jıi jeldetip, uıymdasqan ujymdarda ylǵaldy jınaý júrgizý.
Sozylmaly ınfeksıa oshaqtarynyń sanasıa júrgizý mańyzdy, balalar jasynda bul jıi LOR-organdaryna qatysty, sondyqtan balalardy otorınolarıngologtarǵa turaqty aparý tıis jáne múmkindiginshe aldyn-alý maqsatynda.
Tek qaınaǵan nemese bótelkedegi sýdy ishý qajet.
Toný, ashyǵý, uıqysyz, stress jáne t. b. aýlaq bolý.
Aýrýdy árqashan emdegennen aldyn alǵan jeńil ekendigin este saqtaý qajet!
