Keshe AQSH-tyń Ońtústik Koreıadaǵy elshisi Mark Lıppertke qastandyq shabýyl jasaldy dep habarlaıdy  Qamshy.kz  portaly CNN-ge silteme jasaı otyryp. AQSH-tyń Seýldegi ókiletti elshisi Mark Lıppertke   mańyzdy iskerlik kezdesý barysynda  belgisiz qarýlanǵan erkek shabýyl jasaǵan. Qolyna ótkir almas ustaǵan kúdikti elshi minberge shyǵa bergende "Ońtústik jáne Soltústik Koreıa birigýi kerek" dep daýys kótergen. Artynan belgili bolǵandaı  kópshilik aldyna betteı bergen elshige qaraı tura umtylyp, qolyndaǵy almaspen dene jaraqatyn keltirgen. Shabýyldan qatty dene jaraqatyn alǵan elshi tez arada aýrýhanaǵa jatqyzyldy. Al  dárigerler "elshi kóp mólsherde qan joǵaltqandyqtan biraz ýaqyt dárigerlerdiń baqylaýynda bolady. Alaıda onyń densaýlyǵyna keletin qaýip joq",-deıdi. Qazirgi tańda Seýl polısıa qyzmetkerleri kúdikti adamdy ustap, tergeýge alýda. Elshige shabýyl jasaǵan azamattyń jeke basyna qatysty ázirge eshbir derek  aıtylmaǵan.  Tek onyń esiminiń "Kım" ekendigi ǵana málim. AQSH memlekettik departamenti: "AQSH-tyń  Seýldegi elshisine qastandyq jasalǵany ras. Qazir biz mán-jaıdy tolyq tekserip jatyrmyz. Qastandyqty uıymdastyrǵandar  mindetti túrde jazasyn alady"dedi. Mark Lıppert AQSH-tyń Ońtústik Koreıadaǵy eshlisi qyzmetine 2014 jyly taǵaıyndalǵan. Buǵan deıin ol AQSH qorǵanys mınıstriniń Azıa elderi jónindegi kómekshisi qyzmetinde bolǵan. http://youtu.be/Zg5IiEIRd88