«Disney» anımasıalyq fılmniń «Kúlshe-qyz» ertegisi kınematografıa tarıhyndaǵy iri fılmderdiń biri bolyp tabylady. Onyń jasalýyna Ýolt Dısneı ózi qatysqan. Búgingi kúni «Disney» kompanıasy men «Qazaqstan» ulttyq arnasynyń yntymaqtastyǵynyń arqasynda qazaqstandyq kórermender osynaý tamasha anımasıalyq fılmdi ózderiniń ana tilinde, ıaǵnı qazaq tilinde kóre alady», - dep pikirin bildirdi «Ýolt Dısneı Kompanı SNG» AAQ bas dırektory Marına Jıgalova-Ozkan.

13 keıipker jáne olardyń beınesindegi qazaqstandyq akterlar boıjetkenniń basynan ótken sezimge toly, ádemi hıkaıasyn baıandaıdy. Aıta ketetin jaıt, túpnusqada 9 akter bolsa, olardyń ekeýi keıipker-adamdardy sóıletip qana qoımaı, sonymen qatar 2 tyshqandy da sóıletti.

«Kúlshe-qyz» kóp jobalardyń biri bolyp qana qoımaı, «Qazaqstan» Korporasıasynyń kınokórsetilim jáne dýbláj bóliminiń jumys tobyna berilgen zor múmkindik boldy. «Qazaqstan» RTRK kınokórsetilim jáne dýbláj bóliminiń bastyǵy Gúlnár Rahımova: «Kúlshe-qyz» mýzykalyq múltfılm. Kóptegen ádemi kompozısıalarǵa toly, olardy tıisti túrde oryndaý mindeti bizge júkteldi. Sondyqtan Astana qalasy ákimdiginiń memlekettik fılarmonıasynyń kameralyq horyn qatystyrdyq».

8-naýryz kúni «The Walt Disney Company» mýltımedıalyq ımperıanyń klasıkalyq shyǵarmasy qazaq tilinde «Qazaqstan» telearnasynyń efırinde saǵat 16.45-te kórsetiledi. 9-naýryz kúni saǵat 13.10-de qaıtalaýy kórsetiledi.