Ánshi ári aktrısa Merýert Túsipbaeva  sońǵy kezderi psıhologtyń kómegine júginýge májbúr bolǵan. Osy ýaqytqa deıin serik etken sportty ánshi tastapty.

"Syrtqy kelbetime de kóńilim tolmaı júr. Biraq, dıeta ustaýǵa, bımen aınalysýǵa da yntam joq", - deıdi halyq ártisi. Tipten kóptegen túsirilimder men shaqyrtýlarǵa da barmaı júr eken.

Merýert Túsipbaeva uly Nurǵısaǵa tańǵy as ázirlep jatyr. Ol ádette sútten botqa daıyndap, túrli kókónisterden shyryn jasap beredi eken.

Ánshi sońǵy kezderi eshteńege qulqy bolmaı júrgenin jasyrmaıdy. Keıde tús aýǵansha uıyqtap, ózine qońyraý shalǵandarǵa jaýap ta bermeı qoıady eken. Ol mundaı jaǵdaıǵa túsýine "bir máseleniń paıda bolýy sebep boldy" dep ǵana jaýap berdi. Ashyq aıtqysy kelmedi.

Keı kúnderi uly Nurǵısaǵa túrli kókónisterden shyryn ázirlep bergendi unatady.

Nurǵısany mektebine jibergen ánshi ózi de sabaǵyna asyǵady. Túsipbaeva QMQPÝ-de vokaldan shákirt tárbıeleıdi.

"Vokaldan sabaq berýdiń ózi úlken kúshti talap etedi. Ár bir stýdentime janymdy salyp úıretemin dep aıta alamyn", -  deıdi Túsipbaeva.

Ánshiniń tabynýshylary da az emes. Biri sýretin salsa, basqalary etin asyp úıine otbasylyq merekesine jıi shaqyrady eken. Mundaı sátter óner adamynyń basty problemany umytýyna  aıtarlyqtaı septigin tıgizeri ras.

Ánshi sulýlyq salonynda tyrnaǵyn sándep otyr.

Sahnaǵa shyǵar aldynda Túsipbaevanyń shashyn "Keshú" tobynyń ánshisi Juldyz Ómirǵalı sándep jatyr.

Ánshi telearnalardyń birindegi túsirilimge qatysýda.

Merýert Túsipbaeva "Meniń erkekterim" degen kitap jazyp jatqanyn aıtqan edi. Ony da qolyna almaǵaly kóp bolypty. Bul kitapqa baılanysty jýrnalıserdiń taratqan maǵlumatyna kóńili tolmapty.

"Meniń erkekterim" degen orys tilinde aıtylǵanda durysyraq, jaǵymdy estiledi. Al bizdiń qazaq tildi jýrnalıser aldy da ony mazaq etkendeı etip túsindirdi halyqqa. "Meniń erkekterim" degen esse janyryndaǵy shyǵarmam, ol meniń súıiktim bolǵan azamattar jaıly emes. Meniń ómirimde oryn alǵan er azamattar jaıly. Ol meniń ákem, aǵam, inim, balam jaıly edi negizinen", - deıdi ánshi.