Jýyrda Qyrǵyzstan asqanalarynda tamaqqa esektiń eti qoldanylǵany týraly aqparat taraǵany belgili. Qyzǵyzsytandyq buqaralyq aqparat quraldary qoımada tabylǵan esek eti arnaıy qyrǵyz-túrik lıseıleriniń asqanalaryna jetkizilgen degen aqparat taratqan bolatyn. Osyǵan oraı "Sebat" bilim berý mekemesi jetekshileri Túrkıalyq basylym betterine lıseıler týraly jalǵan aqparat taratýshylardy sotqa beretindikterin aıtqan. Bul týraly Qyrǵyzstannyń Toqmoq qalasyndaǵy kyrǵyz-túrik lıseıiniń dırektory Nýrlan Kýdaıberdıev "Toqmoqtaǵy lıseılerge esektiń eti tasymaldanǵan jáne osynyń saldarynan oqýshylar ýlanǵan degen málimet jalǵan. Bizdi qaralaý úshin ádeıi jasalǵan. Bul jala. Biz osy isti aıaǵyna deıin shyǵarý úshin jalǵan aqparat taratýshylardy sotqa beretin bolamyz" deıdi. Sondaı-aq, Kýdaıberdıev halyqaralyq bilim berý isin qadaǵalaýshy organdarǵa atalmysh másele boıynsha júginbek. Jaqynda ǵana túrkıalyq basylymǵa "Qyrǵyz-Túrik lıseıinde oqýshylar esek etinen ýlanǵan" degen maqala jaryq kórgen bolatyn. Keıinnen belgili bolǵandaı memlekettik sanepıdemıologıalyq qyzmetkerleri "oqýshylardyń ýlanýy sebebi esek etinen emes" degen qorytyndy shyǵarǵan.