"Saılaý týraly bastamaǵa da negizinen elimizdegi áıelder qaýymy qoldaý bildirdi". Aqordada Halyqaralyq áıelder kúni qarsańynda Qazaqstan áıelder qaýymy ókilderimen "Kóktem shýaǵy" atty kezdesýi barysynda Prezıdent Nursultan Nazarbaev osylaı málimdedi. Nazarbaev kezekten tys saılaýǵa qatysýǵa kúmánmen qarap otyr dep jazady "QazAqparat" "Qazir saılaý naýqany bastalyp ta ketti. Kezekten tys prezıdenttik saılaý týraly bastamany da negizinen áıelder qaýymy qoldady. Men kún saıyn myńdaǵan hattar alyp jatyrmyn. Búgingi erteńgisin ústelimde bir qushaq hattar keldi. Olardyń barlyǵy saılaýdy qoldap, menen óz kandıdatýramdy usynýdy surap jatyr", - dedi Nursultan Nazarbaev. "Meniń jeke josparym múldem basqa bolatyn, shynymdy aıtaıyn. Qazaqstandy jyldar boıy basqaryp kelemin, Táýelsizdiktiń alǵashqy jylynan memleketti qalyptastyryp, qurdyq. Bálkim, teatrda aıtatyndaı, dekorasıany ózgertetin de kez jetken shyǵar. Sıngapýrdyń negizin qalaýshy Lı Kýan Iý bılikten ketkende men odan nege kettińiz dep suraǵanmyn. Ol sońǵy ýaqytta teledıdardan ózin kórý unamaı ketkenin aıtqan edi. Mende de basqa josparlar bolǵan", - dedi Elbasy.
Alaıda Prezıdent búkilhalyqtyq tilekter, eldiń nıeti, jurttyń qalaýy bar, ony da eskerý qajet. Sondyqtan da aldaǵy josparymdy, qadamymdy aqyldasýǵa da bolady dep oılaımyn dep túıindedi.
Elbasynyń osy sózderinen keıin Darıǵa Nazarbaevanyń kezekten tys prezıdent saılaýyna qatysýy múmkin be degen oı keldi. Elbasy osy saılaýǵa Qazaqstandaǵy áıelder qaýymynyń aıryqsha atsalysyp otyrǵanyn tegin aıtpasa kerek. Al Darıǵa Nursultanqyzy osyǵan deıin saıasat sahnasynda biraz qadamdar jasaǵany jurtqa aıan. 1992 jyly "Bóbek" qorynyń vıse-prezıdenti bolǵan ol, 1994 jyldan bastap "Habar" agenttigin basqarady. 2003 jyldyń qazanynda "Asar" partıasyn quryp, 2006 jylǵa deıin partıa tóraıymy boldy. Al 2006 jyly Darıǵa Nursultanqyzynyń partıasy bılik basyndaǵy "Otan" partıasyna qosylady, keıin partıa ataýy "Nur Otan" bolyp ózgertildi. 2012 jylǵy parlament depýtattaryn saılaý kezinde "Májilis" kommıtetin basqarady. Al 2014 jyly depýtattardyń bir aýyzdan qoldaýyna ıe bolyp, tómengi palatanyń vıse-spıkeri atandy.
Siz ne deısiz, oqyrman?
[poll id="8"]
