Eýrokomıssıa prezıdenti Jan-Klod Iýnker birikken Eýropa áskerin qurý týraly bastama kóterdi. Bul týraly Qamshy.kz  portaly habarlaıdy. Eýrazıalyq Odaq basshylary bir aýyzdan birikken eýropa armıasyn qurý ıdeıasyn qoldaǵan. Eýrokomıssıa prezıdenti Jan-Klod Iýnkerdiń bul bastamasyna alǵashqylardyń biri bolyp  Fınlándıa prezıdenti ún qatty. Eýrokomıssıa ókili Mına Andreev birikken eýropa armıasyn qurý týraly ıdeıany shildede ótetin Eýro Odaqtyń jıynynda talqylaıtynyn aıtty. Jaqynda Eýrokomıssıa basshysy Jan-Klod Iýnker parlamaent múshelerin birikken armıa qurýǵa shaqyrǵan bolatyn. "Birikken Eýropa armıasyn qurý - álemde bolyp jatqan túrli saıası-qoǵamdyq máselelerge ún qosý úshin, eger álemdik saıasatta tosyn keleńsizdikter týǵan jaǵdaıda operatıvti áreket etý úshin mańyzdy",-dedi Jan-Klod Iýnker. Al eýrokmıssıa basshysynyń bul ıdeıasyn birqatar nemis depýtattary qoldap otyr. Sondaı-aq, birikken armıa qurý ıdeıasyna Fınlándıa prezıdenti Saýlı Nıınıste de qoldaý bildirgen. Jaqyn aralyqta EK prezıdenti  EO-nyń halyqaralyq saıası-qaýipsizdik jónindegi joǵarǵy ókili Federık Mogerınımen aqyldasa otyryp, birikken eýropa armıasyn qurý týraly josparyn shildedegi keńeske  ázirleıtinderin aıtty.