Ortalyq Saılaý Komısıasy prezıdenttik úmitker bolýǵa usynys bildirgen 4 adamnyń usynysyn qabaldaýdan bas tartty. Bul týraly Qamshy.kz  portaly habarlaıdy. OSK tóraǵasy,  Qýandyq Turǵanqulov: - Saılaýǵa qatysýǵa usynys bildirgen qos úmitkerdiń jastary Konstıtýsıalyq talaptarǵa saı kelmeıdi.  Olardyń biri - "JH-Qurylys" JSHS qyzmetkeri, qurylysshy Baqyt Ábdikerimov, ekinshisi kólik júrgizýshi Sýhrab Myrzashev. Osy qos nıet bildirýshiniń jastary 40-qa tolmaǵandyqtan olar saılaýǵa úmitker retinde jibirilmeıdi. Olardyń biri - 37-de, ekinshisi - 30-da ǵana. OSK bas hatshysy Baqyt Meldeshovtyń aıtýynsha, úmitkerlerdi tirkemesten buryn, olarǵa talapqa saı kelmeıtindikteri eskertilgen. Alaıda olar "Bul bizdiń konstıtýsıalyq quqyǵymyz" dep qarsylyq bildirgen. Ortalyq Saılaý Komısıasy úmitker Asqar Syrǵabaevty da tirkeýden bas tartty. Sebebi, Asqar Syrǵabaev memlekettik tildi erkin meńgermegen. Ol memlekettik tildi erkin meńgergenin tekseretin synaqtan óte almaǵan bolatyn. Sondaı-aq, qazaq tilin jetik meńgeremegeni úshin Saıfolla Aldajanovtyń da ótinishi qabyldanbaǵan. Al OSK prezıdenttikke úmitkerlikke nıet bildirýshi Lımana Qoıshıevanyń memlekettik talaptarǵa tolyqtaı saı ekenin eskere otyryp, onyń usynysyn qabyldaǵanyn málimdedi. Búgin OSK úmitker Lımana hanymǵa  qol jınaý qaǵazdaryn berý týraly sheshim shyǵardy. "Alaıda prezıdenttikten úmitker Lımana Qoıshıeva búgin Ortalyq saılaý komısıasyna kelip, qaǵazdardy alyp ketýi kerek edi, kelmedi. Ol qazir kepteliste tur",-dedi Baqyt Meldeshov. Al komısıa tóraǵasy Qýandyq Turǵanqulov Lımana hanymnyń  komısıa aldyna kelýi shart emes ekendigin eskertti. Osyǵan deıin OSK prezıdenttikke úmitker retinde 10 adamnyń usynys bildirgeni týraly qazaqstandyq buqaralyq aqparat quraldary jarysa jazǵan bolatyn. Tipti, usynys bildirýshilerdiń arasynda ózge ult ókilderi de bolǵan. Qazirgi tańda, prezıdenttikke úmitker retinde usynys bildirýshiler  túrli sala mamandary ǵana. Olardyń arasynda maı quıý beketiniń ıesi, kólik júrgizýshisi, zeınetker, qurylysshy t.s.s. bar. Alaıda, úmitkerlerdiń arasynda saıası bilimi, el basqarý qabileti bar, memlekettik tildi 100 paıyz meńgergen  tulǵa áli kezdesken joq.