Otbasyndaǵy áıelderge qarsy zorlyq-zombylyqpen kúresýge shaqyratyn "Qutqarý armıasy" (Army of Salvation) qaıyrymdylyq qory ǵalamtordy shýlatqan kóılekti jarnama úshin paıdalandy.

Januıada názik jandylarǵa qarsy kúsh qoldanýmen kúresýdi úgitteıtin aqparattyq poster shyǵarý kerek bolǵan uıym jergilikti jarnama kompanıasyna osy taqyrypqa qatysty tapsyrys beredi. Nátıjesinde kompanıanyń kreatıvshil toby jelige kelýshilerdiń talas-tartysyn týdyrǵan kóılekti izgi maqsat úshin paıdalanýdy uıǵaryp, bul týraly "Qutqarý armıasyna" habarlap, kelisimderin alady. Atyshýly kóılekti sánbıkege kıgizip, onyń ústi-basyn túrli jaraqat alǵandaı etip, grımdep, boıaıdy. Al jarnamadaǵy jazýda bylaı delingen: "Eger "ol mundaı ómirdi ózi tańdap aldy" dep oılasańyz múlde qatelesiz. Árbir altynshy áıel otbasyndaǵy zorlyq-zombylyqtan zardap shegýde. Názik jandylarǵa qarsy zorlyq-zombylyqty birge toqtataıyq". Qaıyrymdylyq qorynyń ókili Frenk Bergoın bul jarnamaǵa qatysty bylaı dedi: "Talaılardyń tartysyn týǵyzǵan kóılekti qaıyrymdylyq maqsatta qoldanǵannyń eshbir ábestigi joq. Kerisinshe, biz osy arqyly búgingi kúngi áıelderdiń basty qıyndyqtarynyń birine qarsy kúresý jolynda jumyla túsetin bolamyz". Al ǵalamtorǵa kelýshiler jarnamaǵa birden kóńil aýdaryp, ony tvıt arqyly ári qaraı tarata jóneldi. "Qaıyrymdylyq qorynyń mundaı tanymal taqyrypty qoldanýy – maqtan tutarlyq nárse", - dep jazypty jelini paıdalanýshylardyń kóbi.