QR Prezıdenti Nursultan Nazarbaevtyń shaqytrýymen Reseı Federasıasynyń prezıdenti Vladımer Pýtın naýryzdyń 12-13 kúnderi Astanaǵa keledi. Bul týraly Qamshy,kz  portaly Kreml baspasóz qyzmetine silteme jasaı otyryp habarlaıdy. Reseı Prezıdenti V. Pýtın Qazaqstan Prezıdenti Nursultan Ábishulynyń arnaıy shaqyrtýymen naýryzdyń 12-13 kúnderi Astanada ótetin kedendik jáne eýrazıalyq ekonomıkalyq odaqtyń kezekti otyrysyna qatysady. Atalmysh jıynǵa Qazaqstan, Reseı jáne Belorýsıa prezıdentteri qatysyp, úsh el arasyndaǵy  eýrazıalyq ıntegrasıalardyń keleshigi talqylanady dep josparlanýda. Sondaı-aq, prezıdentter úsh el arasyndaǵy saýda-ekonomıkalyq qatynastardyń qazirgi jaǵdaıy, damý baǵyttaryn, eýrazıalyq ıntegrasıalyq prosesterdi, álemdik ekonomıkadaǵy jańa tendensıalar qarastyrylady dep málimdeıdi Rıa Novostı. Al QR Prezıdenti baspasóz qyzmetiniń málimetinshe "jıyn barysynda qazirgi tańdaǵy álemdik saıasattaǵy aktýaldy problemalardyń biri - Ýkraınanyń tolyq terıtorıalyq tutastyǵy" máselesi de sóz etiledi delingen. Sonymen qatar, naýryzdyń 13-i kúni N. Nazarbaev pen V. Pýtın arasynda ekijaqty kezdesý de josparlanǵan.