Meksıkanyń eń bıik taýy sanalatyn Orısaba janartaýynda 55 jyl buryn joǵalyp ketken eki birdeı alpınısttiń denesi tabyldy. Bul týraly  Qamshy.kz  portaly Examiner-ge silteme jasaı otyryp habarlaıdy.

Orısaba janartaýyn baǵyndyrmaqshy bolǵan alpınıster  kezdeısoq qos adamnyń máıitin taýyp alǵan. Tabalǵan qos máıitterdiń bireýiniń denesin janartaýdyń eń ushynan  300 metr jerden (bul shamamen - 5610 metr), al ekinshisiniń denesin 150 metr qashyqtyqtan tapqan.

Uzaq ýaqyn toń muzdyń arasynda jatqan alpınısterdiń máıitteri reńsiz mýmıaǵa aınalǵan.

Al qala meri Chalchıkomýla de Sesma Hýan Navarro jýrnalıserge bergen suhbatynda "osydan 55 jyl buryn, 1960 jyly 3 birdeı alpınıst Orısabanyń basyna shyǵyp, joǵalyp iz-tússiz ketken. Tabylǵan máıitter joǵalyp ketken 3 alpınısttiń ekeýiniki bolýy múmkin" - degen.

"Alaıda, máıitterdiń kimge tıesili ekenin arnaıy DNK saraptamasynyń qorytyndysy dáleldeıtin bolady. Ázirge tabylǵan máıitterdi alyp kelý múmkin emes. Oǵan jaısyz aýa raıy men, qalyń qar qursaýy kedergi keltiredi. Máıitterdiń denelerin qazyp alý jumystary asa muqıattylyqty talap etedi. Olar óte uzaq ýaqyt muz astynda jatqandyqtan súıekter tolyqtaı shirip ketken. Qatty ustasań úgytylyp qalady" deıdi Mer.