Turǵyn úı qurylys jınaq banki Astana men Aqtóbede turǵyn úıdi satyp alýshylar men jalǵa alýshylardyń jańa pýldaryn qura bastady
2020 jylǵa deıin óńirlerdi damytý baǵdarlamasy aıasynda, «Halyqtyń barlyq sanatyna arnalǵan turǵyn úı» baǵytymen QTQJB salymshylaryna 400-den asa páter usynylyp otyr.
Banktiń baspasóz qyzmetiniń habarlaýynsha, Elordamyzda pýl qurý 2015 jylǵy 5 naýryzdan 5 mamyrǵa deıin jalǵasady. Astana qalasyndaǵy Ortalyq fılıalda dúrbeleń bolmasy úshin, aldyn ala jadynamalar ázirlendi, qosymsha qyzmetkerler men agent-keńesshiler de qyzmet kórsetpek.
Menedjerdiń aldyna barýǵa saryla kezek kútip, ýaqyt joǵaltýdyń qajeti joq, QTQJB-nyń www.hcsbk.kz elektrondy mekenjaıyna ótip, «Jeke kabınet» arqyly da ótinish berýge bolady. Salymshylarǵa qolaıly bolýy úshin, bólimshelerde arnaıy kompúter qoıyldy, bank qyzmetkerleri de keńes berýge kómektesedi. Qazirgi tańda pýlǵa qatysýǵa ótinishterdiń deni Internet arqyly berilip otyr.
Astana qalasyndaǵy QTQJB salymshylary – Sarybulaq ózeniniń boıynda, Tilendıev kóshesiniń ońtústiginde ornalasqan toǵyz qabatty turǵyn úıden páter alýǵa úmitker.
«Halyqtyń barlyq sanatyna arnalǵan turǵyn úı» baǵytymen 134 páter satylmaq. Baǵasy – 1 sharshy metrine 120 000 teńge. Nysandy paıdalanýǵa berý merzimi 2015 jyldyń naýryz aıynyń aıaǵyna taman belgilengen.
Aqtóbe qalasynda 2 naýryzdan bastap 30 sáýirge deıin turǵyn úıdi satyp alýshylar men jalǵa alýshylar pýlyna qatysýǵa ótinish qabyldana bastady. «Nur-Aqtóbe» yqshamaýdanynda 270 páter satylymǵa túsedi. Qurylystyń aıaqtalý merzimi 2015 jyldyń maýsym aıyna josparlanǵan. Pýlǵa qatysýǵa ótinish berý kezinde dúrbeleń baıqalmaıdy.
Turǵyn úı qurylys jınaq bankiniń baspasóz qyzmeti atap kórsetkendeı, ótinishter tek bank salymshylarynan ǵana qabyldanady. 2020 jylǵa deıin óńirlerdi damytý baǵdarlamasy boıynsha turǵyn úılerdi bólý barysy barynsha ashyq ótedi. Barlyq rásimder avtomattandyrylǵan.
QTQJB saıtynan qosymsha aqparattardy tabýǵa jáne pýl qurý barysyn jiti baqylap otyrýǵa bolady. Aıta ketetin jaıt, QTQJB depozıttinde kim yjdahatpen qarajat jınasa, bal esepteý kezinde soǵan artyqshylyq beriledi.
