WhatsApp messendjerin paıdalanýshylar kezekti hakerlik shabýylǵa ushyrady.

ESET antıvırýstyq kompanıasynyń málimdeýinshe, qosymshanyń veb-nusqasy arqyly troıan taraýda eken. Kıberqylmyskerler elektrondyq poshtalarǵa WhatsApp Web messendjeriniń 2015 jyly qańtarda ázirlengen desktoptyq nusqasyn kóshirip alý usynysymen hattar joldaıdy. Hatta WhatsApp-tyń resmı saıtyna aparatyn silteme kórsetiledi. Alaıda oǵan sengen paıdalanýshylar oıdan shyǵarylǵan WhatsAppInstall.exe faıly jasyrynǵan betke ótip, onda Win32/TrojanDownloader.VB.QRM troıannyń júktelýine jol beredi eken. Júkteý kezinde kompúterge Win32/Spy.Banker.ABOD dep atalatyn qaýipti baǵdarlama kóshiriledi. Ol, óz kezeginde, paıdalanýshynyń onlaın-bankıngtegi aýtentıfıkasıalyq málimetterin urlaýǵa arnalǵan "shpıon" bolyp tabylady. Qazirde vırýstyń Brazılıada jasalǵany belgili boldy. Alaıda kıbershabýyl álemdegi kez kelgen paıdalanýshyǵa jasalýy múmkin. Bnews.kz