Almaty. 11 naýryz. Qamshy.kz - Búgin Astanada "Nur Otan" partıasynyń XVI kezekti sezi barysynda memleket jáne qoǵam qaıratkeri Kenjeǵalı Saǵadıev Elbasy Nursultan Ábishuly Nazarbaevqa Qazaqstanda bıyl 26 sáýirde ótetin kezekten tys ótkizilitin Prezıdent saılaýyna úmitker retinde qatysýyn usyndy. Astanadaǵy Táýelsizdik saraıynda kún tártibine sáıkes sóz alǵan akademık, qoǵam qaıratkeri Kenjeǵalı Saǵadıev qazirgi tańdaǵy dúnıe júzin sharpyǵan álemdik daǵdarysty, kórshi elderdegi saıası turaqsyzdyq pen qaqtyǵystardy tilge tıek ete kele, osyndaı almaǵaıyp kezeńde "el tizginin nyq ustaıtyn Prezıdentti saılaýdyń mańyzy óte joǵary ekenin" aıtty. Al "el basqarý qabileti men daryny, aqyly men parasaty bıik úmitkerdi eldegi jetekshi partıa retinde "Nur Otandyqtar" taǵaıyndaýy tıis" dep oıyn topshylaǵan Saǵadıev, qazirgi kúndegi jalpy halyqtyń basym kópshiliginde Qazaqstannyń Prezıdenti laýazymyna laıyq tek bir ǵana adamnyń esimin keltiretinin jáne sol kisiniń "Nur Otan" partıasynyń tóraǵasy Nursultan Nazarbaev ekenin de jetkizdi. Osynyń barlyǵyn eskere kele akademık, "Biz, NurOtandyqtar, partıa atynan QR Prezıdenttigine úmitker retinde N. Nazarbaevty usynaıyq jáne osyǵan kelisimin suraıyq",-dep atap ótti. Al óz kezeginde Prezıdent Nazarbaev saılaýǵa qatysýǵa kelisimin berdi. «Men sizderdiń aldaryńyzǵa kelip, sóz sóıleýdemin. Óz kandıdatýramdy tek bir maqsat úshin ǵana, aldymyzda turǵan qıyn mindetterdi sheshýge baǵyttalǵan jańa mindetterdi usyný úshin ǵana usynatyn bolamyn. Men qalaı prezıdent bolý kerek jáne ol ne aıtý kerek degen saýaldarǵa: «Adam saılaýǵa óz halqyńnyń ómirin jaqsartý úshin naqty baǵdarlamalary men maqsattary bolǵanda ǵana barýy kerektigin» aıtamyn. Eger ondaı maqsatyń men mindetiń bolmasa, onda saılaýǵa qatysýdyń da qajeti joq», - dedi Elbasy.