Qaırat Nurtasty sahnadaǵy áriptesteri  erekshe qurmetteıtinin baıqaımyz. Óıtkeni "men" degen qaı ánshini aıtsaq ta, Qaıratpen birlesip án salýǵa ázir turady .

Máselen, búginge deıin Syrym Isabaev, Búrkit, Janar Duǵalova, Altynaı Jorabaeva, Aqbota Kerimbekova, "Nur-Muqasan" toby, Álisher Qaıratuly sekildi ánshilermen Qaırat Nurtas dýet aıtqan. Qaırat Nurtas óziniń jeke konsertine qazaq estradasynyń juldyzdaryn óte jıi shaqyrady. Aıtpaqshy, tek qazaq ánshilerin ǵana emes, ol tipti sheteldik ánshilerdi de shaqyryp, olarmen birge án shyrqaǵanyn da kórdik. Ózderińizge belgili, taıaýda ǵana Qaırat Nurtas belgili jas ánshi Janar Duǵalovamen birge án shyrqap, tipti beıneklıp te túsirdi. Árıne, Janardyń Qaıratsyz da shoý-bızneste baǵyndyryp júrgen óz bıigi bar. Degenmen eki "juldyzdyń" birigip án salýyna múmkindik týǵyzǵan olardyń prodúserleri Baıan Maqsatqyzy men Gúlzıra Aıdarbekova. Osydan biraz ýaqyt buryn qazaq shoý-bıznesiniń "patshaıymy" Baıan hanymnyń ózi Qaıratty moıyndaıtynyn aıtqan bolatyn. Osy sóziniń dáleli retinde atalǵan beınebaıan jaryqqa shyqty. Qaırattyń qarapaıymdylyǵy bolar ol ózimen birge án aıtýǵa qolqa salǵan ánshilerdiń betin qaıtarmaıtyn kórinedi. Sondaı-aq ózi de ara-tura ánshilerge birlesip án salýǵa usynys bildirip otyrady. Jaqynda Qaırat Maqpal Júnisovamen birlesip konsert beredi. Tipti Qaıratpen bir sahnada án salý talaı ánshiniń armany. Al Qaırattyń armany - elbasymen birge án shyrqaý. Ánshiniń aıtýynsha, ónerdi, án-jyrd y jany súıetin prezıdent Nursultan Nazarbaevpen án salýdy armandaıdy eken.