2015 jylǵy 12 naýryzda «Birlik» saıası partıasy» qoǵamdyq birlestiginiń Saıası atqarý komıteti 2015 jylǵy 26 sáýirge taǵaıyndalǵan Qazaqstan Respýblıkasy Prezıdentiniń kezekten tys saılaýy týraly másele boıynsha keńeıtilgen otyrys ótkizdi.
Otyrysqa partıanyń oblystyq, qalalyq fılıaldarynyń jetekshileri men ókilderi, 120- dan astam belsendi músheleri men buqaralyq aqparat quraldarynyń ókilderi qatysty.
Otyrysta «Birlik» partıasynyń tóraǵasy Serik Sultanǵalı 2015 jyldyń 26 sáýirinde ótetin Qazaqstan Respýblıkasy Prezıdentiniń kezekten tys saılaýyna qatysý úshin Nursultan Ábishuly Nazarbaevtyń kandıdatýrasynyń usynylýyn qoldap sóz sóıledi.
Otyrysqa qatysýshy P.V. Klımovtiń, T.Sh. Qýanyshevtyń, K. Bekmurzaevanyń, B.O. Aldabergenovtiń sóılegen sózderi tyńdaldy, olar partıa tóraǵasynyń usynysyn biraýyzdan qoldady.
Otyrys sońynda aldaǵy prezıdent saılaýyna qatysý úshin qazirgi Memleket basshysynyń kandıdatýrasyn usynýdy qoldaý týraly málimdeme biraýyzdan qabyldandy.
Qazaqstan óziniń aldyna ekonomıkanyń jańa sapalyq ósýine qol jetkizý jáne álemniń eń básekege qabiletti 30 eliniń qataryna kirý jónindegi ambısıalyq maqsattar qoıyp otyr. Memleket basshysy bastama jasaǵan uzaq merzimdi «Qazaqstan – 2050» Strategıasy, «Nurly jol» baǵdarlamasy, sondaı-aq basqa da strategıalyq baǵdarlamalar osy maqsatty iske asyrýǵa arnalǵan.
«Sondyqtan «Birlik» partıasy - halyq birligi partıasy, óziniń saıası qaǵıdattary men qundylyqtaryna sáıkes 2015 jyly 26 sáýirdegi Qazaqstan Respýblıkasy Prezıdentiniń saılaýyna qatysý úshin Nursultan Nazarbaevtyń kandıdatýrasyn usynýdy berik qoldaıtynyn bildiredi» delingen málimdeme mátininde.
«Birlik» Saıası partıasy apparaty
