Otandyq avtokólik naryǵynda 53,2% úleske ıe "Bıpek Avto-Azıa avto" kompanıalar toby 2014 jyldyń qorytyndysyn shyǵaryp, qazaqstandyqtar arasynda suranysqa ıe 10 avtokóliktiń markasyn atady.

Bul týraly "Bıpek Avto-Azıa avto" kompanıalar toby dırektorlar keńesiniń tóraǵasy Anatolıı Balýshkın málimdedi, dep habarlaıdy Bnews.kz. Avtokólik kompanıalary tobynyń basshysy málimdegendeı, reıtıńte LADA markaly avtokólikter kósh bastap tur. Ótken jyly "Bıpek avto" osy markanyń 45 myń 234 avtokóligin satqan. Odan keıingi oryndy 17 myń 709 satylymmen KIA markasy alady. Úzdik úshtikti Hyundai markaly avtokólikter tuıyqtaǵan – 14 myń 104. Qazaqstandyqtardyń Toyota avtokóligine de suranysy jaman emes. Ótken jyly otandastarymyz osyndaı 12 myń 115 kólik satyp alǵan eken. Kóshbasshylar bestigine 11 myń 763 dana satylymmen Chevrolet markasy ornalasqan. Odan keıin UZ-Daewoo, 2014 jyly 9 myń 866 avtokólik satylǵan. Renault -7 myń 980; GAZ-6 myń 135. Toǵyzynshy orynǵa Scoda avtokóligi jaıǵasty, qazaqstandyqtar atalmysh markanyń 5 myń 573 kóligin satyp alǵan. Onynshy orynda – Nissan (5 myń 379). Kompanıalar toby baspasóz qyzmetiniń aqparatynsha, Qazaqstanda ótken jyldyń qorytyndysy boıynsha avtodılerlerdiń naryqtyq úlesi mynadaı: "Bıpek Avto" - 53,2%; Astana Motors-13%; Vıraj -5,4%; Allúr Avto -3,3%, Merkýr Avto-2,9% jáne basqalary -21,2%.