2015 jyldyń 20 naýryz kúni Astana qalasynyń Kongres-Holl saraıynda «Azıa» tobynyń shyǵarmashylyq án keshi ótedi.
«Azıa» tobynyń múshesi Renat Basıtov 2014 jyldyń jazynda apatqa ushyraǵannan keıin toptyń shyǵarmashylyq jumystary biraz baıaýlap qalǵan bolatyn. Áıtkenmen, tyńdarmandary men áriptesteriniń qoldaýyna ıe bolǵan Renatkóp kúttirmeı aıaǵynan turyp ketti. Osyǵan deıin ujym jeke konsertin Astana qalasynda ótkizýge daıyndalyp keldi.
«Azıa» tobynyń Astana qalasynda ótetin án keshinde ánshi Gúlnur Orazymbetova, Qaırat Nurtas, «Araı» jáne «Di-Art» toptary óner kórsetedi.
«Azıa» toby 2004 jyldyń mamyr aıynda quryldy. Top quramynda Erbol Sháripov, Renat Basıtov, Nursultan Batyrqulov syndy ánshi jigitter óner kórsetedi. Top Temirbek Júrgenov atyndaǵy Qazaq Ulttyq Óner akademıasynyń qabyrǵasynda qalanǵan. Osy ýaqytqa deıin «Azıanyń» «Bıle, Bıle», «Mustafa Shoqaı», «Ǵajaıyp kúı», «Jetiqaraqshy», «Mahabbat araly», «Aýylǵa kel, aıaýlym», «Júregimdi jaýladyń», «Qyrmanǵa kel, qalqataı», «Syıla ánińdi», «Mereke» jáne Erbolat Qudaıbergenovpen birigip «Aıym» ánderine túsiriligen beınebaıandary jaryq kórgen.
