Prokýratýra Qazaqstannyń burynǵy mınıstri Serik Ahmetovke jemqorlyq mándegi alty qylmys boıynsha resmı túrde aıyp taqty. Bul týraly Tengrinews.kz memlekettik qyzmet jáne jemqorlyqqa qarsy is-qımyl jónindegi departamenttiń tergeý organyna silteme jasap habarlaıdy.

"Baqylaý organy qylmystyq is boıynsha dálelderdiń barlyǵy zańǵa sáıkes jınaqtalǵanyn jáne tergeý áreketi kezinde, sonymen birge, is boıynsha materıaldardy jınaý barysynda zańbuzýshylyq joq dep tapty. Serik Ahmetovke Qylmystyq kodekstiń tórt baby boıynsha aıyp taǵylyp otyr - asa iri kólemde para aldy, búdjet qarajatynan asa iri kólemde aqsha jymqyrdy, qyzmettik babyn asyra paıdalandy jáne kásipkerlik iske zańsyz qatysý", - dedi tergeý organdarynyń qyzmetkerleri.

Serik Ahmetov sotqa jiberilmeıinshe aıyptalýshy retinde, al odan keıin sottalýshy bolady. Sottyń bekitken merzimi 18 sáýirde aıaqtalady, odan keıin qylmystyq is sotqa jiberiledi. Qazirgi ýaqytta úı qamaýynda otyrǵan Serik Ahmetov 150 tomnan turatyn qylmystyq is materıaldarymen tanysyp jatyr. Eske sala keteıik, Tergeýdiń málimetinshe, Qaraǵandy oblysy ákimdiginiń basshysy men oblystyń burynǵy ákimi Serik Ahmetov aldyn ala sóz baılasyp, qosalqy merdiger - "Sentrstroı-komplekt NS" JSHS cheh jabdyǵyn arzan jabdyqpen aýystyrǵan. Jabdyqtyń eki túriniń arasyndaǵy 1 mıllıard 200 mıllıon teńge kólemindegi aıyrmany kúdiktiler ózara ıemdengen. Tergeý málimetteri boıynsha, qylmysty jasyrý úshin deldal fırmalar jelisin ashyp, olardyń shotyna aqshany aýdarý arqyly búdjet qarajatyn jylystatýdyń sqemasyn jasaǵan. Tengrinews.kz