14 naýryz, Qamshy.kz  -27 jastaǵy Qazaqstandyq qyzdy Úndistannyń Delı qalasyndaǵy qonaq úılerdiń birinde beıtanys 3 er azamat zorlap ketken. Bul týraly Qamshy.kz  portaly The indian express.com agenttigine silteme jasaı otyryp habarlaıdy.

Naýryzdyń 12-i kúni túngi ýaqytta Úndistan astanasy Delı qalasyndaǵy Delı Karol Bag qonaq úıine ornalasqan Qazaqstannan barǵan  qyzdy beıtanys  3 úndis azamaty zorlap ketken.

Qazir Delı qalasy polısıasy qazaqstandyq jábirlenýshiniń aryzynda kórsetilgen kúdikti 3 birdeı er azamatty qamaýǵa alǵan. Atalmysh qylmystyq is boıynsha  tergeý júrgizilýde.

Al jábirlenýshi óziniń málimdemesinde kórsetilgendeı ol  beısenbi  naýryzdyń 12-i kúni Delı qalasyndaǵy Delı Karol Bag qonaq úıine ornalasqanyn aıtqan. Al  qonaq úıdegi keshki as barysynda keshki  saǵat 22:00 shamasynda ol  ózin zorlaǵan eki azamatpen tanysqan. Jigitter kómeski oılaryn júzege asyrý úshin aılaǵa basyp, qyzdy sol qonaq úıdiń basqa bólmesinde ornalasqan áriptesinikine shaqyrady. Alaıda, keshki astan soń, bári-óz jónderine tarqasqan.

 Jábirlenýshi polısıaǵa bergen jaýabynda ol Úndistanǵa jumys máselesimen kelgenin málimdeıdi. Ol Úndistandaǵy áıel azamattardyń ar-ujdanyna jıi qol suǵylatynyn, jas qyzdardyń qoǵamdyq oryndarda jıi zorlanatynynan habary bolǵan soń ózine jeke taksı jaldaǵan. Jábirlengen qazaqstandyq qyz polısıa qymetkerlerine óziniń  qorlanýyna atalmysh taksı júrgizýshisiniń de qatysy bar ekenin aıtqan.

Arada kóp ýaqyt ótpeı, qonaq úı qyzmetkeri qazaqstandyq qyz ornalasqan bólmeden kómek surap, aıqaılaǵan daýysty estıdi. Qyzmetshi bólmege kirgende ábden qaljyraǵan jábirlenýshini kóredi. Keıin qazaqstandyq qyz  qonaq úı qyzmetshisine álde bir 3 erkektiń bólmege basyp kirip, ózin zorlaǵanyn aıtqan. Delı Karol Bag qonaq úıiniń qyzmetshileri dereý polısıaǵa habarlasyp, qyzdy Delı qalasyndaǵy memlekettik aýrýhanaǵa jetkizgen. Qazir atalmysh is boıynsha Úndistan zańynyń  376-baby boıynsha qylmystyq  is qozǵalǵan.

 Nurzat Toǵjan