Búgin Astanada QR Kásipodaqtar federasıasynyń atqarýshy komıteti kezekti otyrysyn ótkizip, alda ótetin Prezıdenttik saılaýǵa qatysty úndeý jarıalady.
Uıym músheleri atalǵan saıası naýqanda biraýyzdan Nursultan Nazarbaevtyń kandıdatýrasyn qoldaıtynyn málimdep otyr.
«Qazaqstanda eńbek etemin degen adamǵa barlyq jaǵdaı jasalyp otyr. Memleket basshysynyń bastamasymen qurylǵan «Nurly jol» baǵdarlamasy aıasynda júzdegen myń jańa jumys orny ashylatyn bolady. Qazirgi tańda memleket óziniń áleýmettik mindettemelerin tolyqtaı oryndap otyr.
Qazaqstannyń Kásipodaqtar federasıasy únemi memlekettiń áleýmettik-ekonomıkalyq jańǵyrý baǵytyn, qazaqstandyqtardyń ál-aýqatynyń artýyn qoldap keledi» delingen atalǵan úndeýde.
