Kezekten tys prezıdenttikke úmitkerlerdi saılaý aıaqtaldy. Alaıda 18 naýryzǵa deıin prezıdenttikke úmitkerlerdiń memlekettik tildi erkin meńgergendigin anyqtaý jónindegi komısıa jumys isteıdi.
Bul týraly Ortalyq saılaý komısıasynyń hatshysy Baqyt Meldeshev málim etti.
16 naýryzǵa qaraǵan túngi saǵat 00-01-de Ortalyq saılaý komısıasyna 27 ótinish tirkelgenin atap ótken ol:
"17 naýryz kúni biz qoldaǵy barlyq materıaldary óńdeımiz de qansha adamnyń shyǵyp qalǵanyn málim etemiz. Qazirgi ýaqytta bizdiń qolymyzda saıası naýqannan bas tartý materıaldary, emtıhanǵa kelmeı qalǵan úmitkerler bar. 18 naýryzǵa deıin lıngvısıkalyq komısıa jumys isteıtin bolady. Biz kestesin jasadyq. Odan ary qalaı órbıtinin kóremiz", - dedi ol.
Aıta ketsek, osy sátke deıin 27 azamat prezıdenttikke úmitker retinde usynyldy. Olardyń ekeýin saıası partıalar usynsa, 25-i ózin-ózi usynyp otyr. Osy 27 adamnyń ishinde 10 adamǵa prezıdenttikke úmitker retinde tirkeýden bas tartyldy.
Olardyń ishinde 2 adam jasy 40-qa tolmaýyna jáne 8 adam lıngvısıkalyq komısıa synynan óte almaýyna baılanysty tirkelmedi. Úsh úmitker lıngvısıkalyq komısıanyń emtıhanyna kelmedi jáne bir adam óziniń ótinishin qaıtyp aldy.
5 úmitker lıngvısıkalyq komısıadan, basqa da tekserýlerden ótip, Konstıtýsıasy men "Saılaý týraly" zańyna sáıkes dep tanyldy. Onyń ishinde Nursultan Nazarbaev kandıdat retinde tirkeldi.
