16 naýryz. Qamshy.kz - Jaqynda eks-elshi Rahat Álıevtiń Avstrıa túrmesinde qamaýda otyrǵan kamerasynyń foto-sýretteri ǵalamtorda jarıa boldy. Rahat Muhtaruly Álıevtiń advokattary onyń sýısıd jasaǵanyna kúmánmen qaraıtytyn málimdegen. Alaıda Avstrıa tarapy Álıevtiń qaza bolǵan kúni onyń bólmesine bógde eshkimniń kirmegenin alǵa tartqan. Advokattar Manfred, Klaýs Aınedtery jáne Otto Dıtrıh "Die Presse" basylymyna bergen suhbatynda "Rahat Álıevtiń ózine-ózi qol jumsaýy múmkin emes" degen.
(Kamera esiginiń ashylǵan jáne jabylǵan merzimderi)
Advokattar Álıevtiń aldaǵy ótetin sot prosesine muqıat daıyndalǵanyn aıtady. "Álıevtiń jatar aldynda mıdy tynyqtyratyn dáriler qabyldaýy - onyń ózine-ózi qol jumsaýyna ıtermeledi degen tujyrym qısynǵa kelmeıdi",-deıdi Aınedtery.
(Vena abaqtysyndaǵy Álıevtiń kamerasy)
(jýynatyn bólmesi)
"Álıevtiń tosyn qazasyn ózin-ózi óltirý faktisimen búrkemeleý shyndyqqa janaspaıdy. Rahat eshqashan ondaı qadamǵa barmas edi. Onyń eki birdeı uly qaldy artynda. Ol balalaryn qatty jaqsy kóretin",-deıdi Rahattyń jesiri. Al Vena túrmesiniń vıdeo-baqylaý qurylǵylary Rahat Álıev qaza bolatyn túni onyń kamerasyna bógde eshkimniń kirmegenin kórsetken. Sondaı-aq, abaqty esiginde arnaıy belgi beretin qurylǵylar ornatylǵan. Atalmysh qurylǵylar kamera esigi ashylǵandaj jáne jabylǵanda belgi beretin.
"Wien.orf.at" saıty Rahat Álıevtiń kamerasyna 14 saǵat boıy eshkimniń kelmegenin jazady.
(Kamera jospary)
Ómiriniń sońǵy sátterinde Rahat Álıev Vena túrmesiniń em qabyldaý bólmesinde jatqan. Bqlmede úsh birdeı tósek, teledıdar jáne birneshe ústel ornalasqan. Al aldyn ala tirkelgen faktilerge sáıkes, keshki 17:19 ben tańǵy 07:26 aralyǵynda ózine-ózi qol jumsaýy múmkin delingen. Sol túni Álıevtiń kamerasyn 3 qyzmetker kúzetip turǵan. Álıevtiń jatqan bqlmesinde beıne-baqylaý qurylǵylary bolmaǵan. Al bólme syrtyndaǵy baqylaý qurylǵylarynda 14 saǵat boıy Álıevtiń kamerasyna eshkim jaqyndamaǵanyn kórsetken.
(Esik jáne beıne-baqylaý qurylǵysy)
(Beıne-baqylaý qurylǵysynyń jalpy kórinisi)
(Túrme dálizi)
Eske sala keteıik, 24 aqpan kúni eks-elshi Rahat Álıevtiń Avstrıa túrmesindegi óziniń kamerasynda óli denesi tabylǵan. Eks-dıplomat tergeý ızolátorynda 2014 jyldan beri qamaýǵa alynǵan bolatyn.
Nurzat Toǵjan
