16 naýryz. Qamshy.kz - Erteń Elordada Sýmodan halyqqa kórsetilim beldesýleri ótedi. Bul týlary "Qamshy.kz" portaly egemen.kz saıtyna silteme jasaı otyryp habarlaıdy. Erteń Astanada ótetin álemdegi eń kóne jekpe-jek túrliriniń biri sanalatyn - sýmo saıysyn QR Mádenıet jáne sport mınıstrligi, Astana qalasy ákimdigi men Japonıanyń Qazaqstandaǵy elshiligi jáne "Qazaqstan barysy" qazaq kúresin demytý qory uıymdastyryp otyr. Atalmysh sharany uıymdastyrýdaǵy basty maqsat - japondardyń ulttyq sportyn Qazaqstanda nasıhattaý jáne Sýmonyń aıasyn keńeıtý bolyp tabylady. Sýmo palýandarynyń básekesi jastardyń jaýyngerlik rýh pen muqalmas erik-jigerdiń naǵyz úlgisin kórsetedi deıdi sharany uıymdastyrýshylar. Erteńgi saıysqa Japonıada 10 jyl boıy sýmo sportymen kásibı túrde aınalysqan belgili qazaqstandyq sýmoshy Súıenish te qatysady. Kúnshyǵys elinde qazaq sýmoshysy Kazafýzan degen esimmen tanymal ekenin aıta keteıik. Sýmo palýandarynyń beldesýleri 17 naýryz kúni saǵat 19:00-de Astanadaǵy «Han shatyr» oıyn-saýyq ortalyǵynda ótedi. Al búgin «Dáýlet» Ulttyq tenıs ortalyǵynda Japonıanyń Qazaqstandaǵy Tótenshe jáne Ókiletti Elshisi Kamohara Masaesıdiń, QR Mádenıet jáne sport mınıstrligi Sport jáne dene shynyqtyrý komıtetiniń tóraǵasy Elsıar Qanaǵatovtyń, Qazaqstan Sýmo federasıasynyń tóraǵasy Baǵlan Ydyrysovtyń jáne sýmodan jasóspirimder arasyndaǵy Japonıa chempıonattarynyń jeńimpazy Mıeda Kataronyń qatysýymen baspasóz máslıhaty ótedi.