Toıyńyzdyń tórinen «MýzArt»-ty kórgińiz kelse, birden aıtaıyq, qaltańyzda kemi 10 000 dollaryńyz bolýy kerek. Onda da áıgili topqa sizden buryn bireý «quda túsip» qoımasa...

Ondaı bolǵan kúnde de qam jemeńiz, sebebi siz dál osy somaǵa Qazaqstan ǵana emes Reseı shoý bıznesinde de ózindik orny bar Batyrhan Shýkenovti shaqyra alasyz.

Al bul somaǵa aqshańyz sál-pál jetpeı tursa, onda biz tanymal ánshilerimizdiń qalamaqysyn usynamyz, «kórpeńizge qaraı...» Mysaly, Maqpal Júnisova – mıllıon dep shirenbeı, 800-700 myń, tipti, kóńil qımas nemese «jaǵdaıym kelińkiremeı turǵany, biraq qýanyshymnyń kýágeri bolyp, toıymnyń qurmetti qonaǵy bolsańyz, men úshin ol bir baqyt» dep qıylyp turǵan jandardyń tilegin jerge tastamaı apamyz keıde 1000 dollarǵa kelisetin kórinedi.

Esterińizde bolsa, «Bizdiń Qaırattyń stavkasy 5000 dollar» dep Gúlzıra hanym kınoekrannan jar salyp edi ǵoı. Ol fılmnen keıin ánshiniń qalamaqysy tipti eki esege ósti desek, esh qatelespeımiz. Sebebi, shyny kerek, Qazaqstan túgili mıllıardtaǵan halqy bar Qytaıdy «jarǵan» Qaırat Nurtas qoı ol?!.

Eger 5000 dollaryńyz bolsa, onda siz toıyńyzǵa Toqtar Serikti, (onda da jalǵyz ózin, Beıbitpen kelýi úshin taǵy birer myń dollar qosasyz) Beıbit Qorǵandy, Mádına Sádýaqasovany, Maqpal Isabekovany shaqyra alasyz. Jáne bul qatyp qalǵan soma emes, kelisimge qaraı...

  Zattybek aǵamyz qansha jerden «toıdyń gúli» bolsa da, «10 myń», tipti «5000» dollar dep kókirek qa