Prezıdenttikke ózin-ózi usynǵan "Juldyzdar otbasy" jýrnalynyń redaktory Jarylqap Qalybaı synaq tapsyryp, ony sátti aıaqtap shyqty.

"Jarylqap Qalybaı Seıdláulymen emtıhandy aıaqtadyq. Jazba jumysynyń taqyryby - "Otty jyldar taǵylymy". Jumys óte saýatty jazylǵan. Taqyrypty ashty, jumysynda qate joq. Bárimiz rıza bolyp otyrmyz", - dedi úmitkerdiń emtıhan qorytyndysymen tanystyrǵan komısıa tóraǵasy Myrzataı Joldasbekov. Komısıa tóraǵasynyń aıtýynsha, úmitker ekinshi kezeńde Baýyrjan Momyshulynyń prozasynan mátindi de mánerlep, naqyshyna keltire oqyǵan. "Úshinshi taqyryp - "Mádenı mura - baıtaq qazyna". Bul da kókeıge qonymdy jaqsy áńgime boldy. Emtıhanǵa kelgen azamattardan áýeli elbasy odan keıin Jarylqap sıaqtylar bolsa, dep áńgime ettik. Lıngvıskalyq komısıanyń qorytyndysy - Jarylqap Qalybaı Seıdláuly qazaq tilin erkin meńgergen", - degen ol úmitkerge aldaǵy ýaqytta sáttilik tiledi.