Tanymal prodúser Baıan Esentaeva aýyr syrqatqa ushyraǵan qyz balanyń armanyn oryndady. Mereke qarsańynda ol ózimen kezdesýdi armandaǵan Arýjannyń úıinde qonaqta boldy.
Arýjan 9 jasqa kelgende, onyń boıynda onkologıalyq aýrý anyqtaldy. Dárigerler qoıǵan qaýipti dıagnozben Arýjan 3 jyl boıy kúresip, hımıalyq terapıany qabyldap, nátıjesinde syrqatty jeńip shyqty.
Búginde sabaqtan qalmaı, taekvondo úıirmesine qatysyp júrgen Arýjan bala kúninen Baıan Esentaevanyń jankúıeri eken. Tanymal telejúrgizýshi ári prodúserdi kórgen saıyn qyzyǵa qaraıtyn ol Baıanmen kezdesýdi armandaǵan.
Jaqynda Arýjannyń armany oryndalyp, Baıan Esentaeva onyń otbasynda qonaqta boldy.
Qurmetti qonaq qur kelmeı Arýjanǵa iPhone, júzik, al anasyna otandyq dızaınerdiń kóılegin syıǵa tartty. Ózimen júzdesý qyz balaǵa orasan qor qýanysh pen kúsh-qaırat bergenin kórgen prodúser Arýjanǵa aıyna bir ret kezdesýdi usyndy.
Qýanǵannan kózine jas alǵan Arýjandy Esentaeva bolashaqta "Keshú" quramyna alamyn dep qýantyp ketipti. Aıtýynsha, qyz balanyń boıynsha ártiske tán barlyq qasıetter bar. Prodúser osy ýádesinde turý úshin aldaǵy ýaqytta aıanyp qalmaıtynyn jetkizdi.
NUR.KZ
