Vladımır Pýtın aqparat quraldarynda paıda bolǵan óziniń derti týraly qaýesetterge qatysty pikir bildirdi, - dep habarlaıdy RIA Novostı. Onyń aıtýynsha, "óseksiz ómir qyzyq emes". Eske salaıyq, onyń aýrýy Qazaqstanǵa jasaýy tıis saparynyń keıinge qalýyna sebep boldy degen aqparat 11 naýryz kúni taraǵan edi. Mundaı aqparattardyń bárin Pýtınniń baspasóz hatshysy Dmıtrıı Peskov qaıta-qaıta joqqa shyǵaryp otyrdy.

Peskov Sankt-Peterbýrgte Reseı men Qyrǵyzstan prezıdentteriniń kezdesýi ótken Konstantınov saraıynda Reseı basshysynyń "joǵalyp ketýi" týraly málimdemelerge qatysty túsinik bere otyryp, qaýesetterdi ázilge aınaldyrdy. "Tula boıy sal bop qalǵan", "generaldar basyp alǵan" prezıdentti kórdińizder me? Jańa ǵana Shveısarıadan keldi, ol jaqta onyń áldekimdi bosandyrǵanyn bilesizder", - dedi Peskov.

16 naýryz kúni Reseı basshysy qyrǵyz áriptesimen birge jýrnalıserdiń aldyna shyqty. Qyrǵyzstan prezıdenti Almazbek Atambaev Vladımır Pýtınniń ózin jaqsy sezinetinin habarlady. "Jańa ǵana Vladımır Vladımırovıch meni aýmaqta qydyrtty, ózi rúlde otyrdy. Ósek taramaýy úshin. Reseı prezıdenti júrip qana qoımaı, qonaqtardy kólikpen alyp ta júre alady. Oryssha aıtqanda, mundaıdy uzaq kútý kerek", - dedi Atambaev. "Óseksiz ómir qyzyq bolmaıdy", - dedi Vladımır Pýtın. Aıta keteıik, Almazbek Atambaev qazir Sankt-Peterbýrgte resmı saparmen júr.

tengrinews.kz