Almatynyń qaq ortasynda atys boldy. Kóligin avtoturaqqa qoıǵan júrgizýshi 50 teńge tólegisi kelmeı, aqy suraǵan qyzmetkerdi travmatıkalyq tapanshamen atqan dep habarlaıdy KTK.
http://www.youtube.com/watch?v=_V4XAE7Ga6E Saldarynan 20 jasar jigit aıaǵynan jaralanyp, aýrýhanaǵa tústi. Qazir polısıa bul oqıǵaǵa qatysty tergeý isin bastap ketti. Avtoturaq qyzmetkerin atyp salǵannan keıin jurt onyń tapanshasyn tartyp almaq bolǵan. Alaıda "men eshkimnen qoryqpaımyn" dep qıǵylyq salǵan jigit aıaǵynda qasha jóneldi. Sol kúıi saýda úıiniń ishine kirip, onda da birneshe ret oq atqan. "Osy jerde jıppen kep syrttan atqan ǵoı. Osy jerde ustadyq. Sonda da atyp, SÝM-nyń ishine kirip ketti. Tapanshasyn almaqshy boldyq. Jas balany 50 teńgege bola atyp tastady. Ózi ázer júrgen balalar", - deıdi Erlan esimdi kýágerlerdiń biri. Osy oqıǵadan soń polısıa basbuzardy izin sýytpaı qolǵa túsirgen. Kúdikti Qaskeleń qalasynyń 28 jastaǵy turǵyny eken. "Sol jaqta turaqty qyzmetshi bolyp jumys isteıtin azamatqa oq jaýdyrǵan. Nátıjesinde ol jábirlenýshi aıaǵynan oq jaraqatyn aldy. Qylmystyq is qozǵalyp, seziktige zańmen kózdelgen tıisti sharalar qabyldandy. Dálirek aıtsaq, oǵan aıyp taǵyldy", - deıdi Almaty qalasy İİD baspasóz hatshysy Saltanat Ázirbek. Qazir jaralanǵan jigittiń densaýlyǵy ońalyp, aýrýhanadan shyǵyp ta úlgerdi. Al tapa-tal túste qalyń jurtqa qarý kezengen jigittiń jaǵdaıy qıyn bolaıyn dep tur. Ol kináli dep tabylsa, 7 jylǵa deıin bas bostandyǵynan aıyrylýy múmkin.
Pikir qaldyrý