Almaty oblysynyń Tekeli qalasynda polıseılerge balaǵat sóz aıtqan áıel jazaǵa tartylmaıtyn boldy.

Osydan birneshe kún buryn áleýmettik jelilerde Tekeli kósheleriniń birinde túsirilgen beınerolık qyzý talqylandy. Onda kólik júrgizgen áıeldiń jol saqshylaryn balaǵattap, zań qyzmetkerlerine baǵynbaǵanyn anyq kórýge bolady. Bul fakt boıynsha keıin qylmystyq is qozǵalyp, Tekeli soty kúdikti áıeldi aıypty dep tapty. Degenmen, júrgizýshi áıel qylmystyq jaýapkershilikke tartylmaıtyn boldy. Sot prosesi barysynda Iýlıa Kýchına tártip saqshylarynan keshirim surap, jol erejesin buzǵandyǵy úshin aıyppulyn tólegen. Sondaı-aq, onyń qaraýynda kámelet jasyna tolmaǵan balany bar ekendigi de eskerilip otyr. Osy jaıttarǵa baılanysty sot Kýchınanyń ústinen qozǵalǵan qylmystyq isti toqtatty" deıdi Almaty oblystyq İİD baspasóz hatshysy Daryn Arystanbekov. Eske sala ketsek, qoǵamda pikirtalas týdyrǵan daýly vıdeo 7 naýryz kúni Internet jelisinde paıda bolǵan edi.