18 naýryz. Qamshy.kz - Búgin Aqordadaǵy dıplomatıalyq kezdesýler barysynda AQSH-tyń Qazaqstandaǵy jańa taǵaıyndalǵan elshisi Djorj Klor Elbasynyń aldynda qazaq tilinde baıandama jasady. Bul týraly "Qamshy" portaly habarlaıdy.

Resmı baıandamasynyń álqıssasyn qazaq tilinde jatqa sóıleýden bastaǵan  elshi myrza artynsha arnaıy jazylǵan mátinin qaǵazǵa qarap oqydy. Baıandamasyn aıaqtaǵan elshi Djorj Klor myrza Elbasy Nursultan Ábishulyna senim gramotasyn tapsyrdy. Al Qazaqstanǵa kelgenine kóp bolmaǵan elshi myrzanyń resmı baıandamasyn memlekettik tilde jasaǵanyna  Elbasy óz rızashylyǵyn bildirdi.

Sondaı-aq, búgin Aqordada Elbasymen kezdesken Kýveıt, Pákistan, Saýd Arabıasy jáne basqa da elshiler aýdarmashynyń kómegine júginse, Bolgarıanyń Qazaqstandaǵy elshisi óz baıandamasyn resmı tilde(orys tilinde) jasaǵan.

Elbasy Nursultan Nazarbaevtyń aldynda baıandamalaryn jasap, senim gramotalaryn tapsyryp bolǵan elshi myrzalar jýrnalıserge suhbat bergen. Amerıkalyq dıplomat bul jerde de erekshe kózge túsip, jýrnalıserge bergen suhbatyn taza qazaq tilinde jasaǵan. AQSH elshisinen keıin sóz alǵan Bolgarıalyq elshi jýrnalıserdiń aldynda bir-eki aýyz sózin qazaq tilinde jasaýǵa nıettendi.

Aıta ketetini, AQSH elshisi Qazaqstanǵa kelgenine kóp ýaqyt bolmasada óziniń Qazaqstanǵa degen kózqarasyn osylaısha bildirdi.  Jýrnalıserge resmı málimdeme jasaǵan elshi Djorj Klor myrza ózine qazaqtyń ulttyq asqanasyn qatty unatatynyn jáne qymyz ben shubattyń dámi til úıiretinin de aıtty.

Nurzat Toǵjan