Almatyda Toyota Camry markili avtokólik qoldy boldy. Belgisiz adam atalǵan shetel kóligin Qurmanǵazy men Gagarın kóshesiniń qıylysyndaǵy úılerdiń biriniń aýlasynan tańǵa jýyq ruqsatsyz minip ketken.

Bul týraly Almaty arnasy "Kýáger" baǵdarlamasy habarlaıdy. Kólik ıesi bul qylmysqa ózimen birge ýaqyt ótkizgen tanys qurbysy bardy dep kúdiktenip otyr. "Ol jeńil júristi qyz. 2 mınýttan keıin dalaǵa temeki shegýge shyqsam, kólik ornynda joq. Qarasam, kólik joǵary qaraı ketip bara jatyr. Men basqa kólikti toqtatyp, artynan qýdym. Júrgizýshiden telefonyn surap, dostaryma habarlastym", - dedi jábirlenýshi. Alaıda bótenniń kóligimen áıel alysqa uzaı alǵan joq. Oǵan kelinshektiń mas qalpy sebep bolýy múmkin. Azamatsha Qarasaı batyr men Áıtıev kósheleriniń qıylysynda jol-kólik apatyn jasap, jıektiń jartysyn jáne qorshaýdy ilip alyp ketken. Júrgizýshi birden boı tasalady. Jedel ýákilderdiń aıtýynsha, onyń tulǵasy belgili boldy. Jýyq arada kúdikti jasaǵan qylmysy úshin jaýapqa tartylatyn bolady.