Lýksor qalasynyń turǵyny Sısa Ábý Daýh jumys isteý úshin 43 jyl boıy er azamattarsha kıinip, óziniń áıel ekenin jasyryp kelgen.

Bul qadamy úshin Mysyr bıligi oǵan "teńdessiz ana" degen nagrada berdi. Bosanarynan birneshe aı buryn jesir qalǵan áıel balasyn asyraý úshin kún saıyn erlershe kıinip, qara jumysqa jegilgen.

Osylaısha ol dúnıege jańa kelgen sábıin ashyqtyrmapty. Mysyrda uzaq jyldar boıy áıelderdiń jumys isteýine tyıym salynǵandyqtan, Sısa osyndaı qadamǵa barýǵa májbúr bolǵanyn aıtyp otyr.

Búginde 64 jastaǵy áıel ár kezde kirpish pen sement tasyp, qurylys nysandarynda eńbek etken.

"Ózgelerdiń kúdigin týdyrmaý úshin jáne dástúrdiń qurbanyna aınalmas úshin men erlershe kıinip, kórshi qalalarǵa baryp jumys istedim" deıdi eńbekqor áıel.

Sońǵy birneshe jyldan beri Sısa Ábý Daýh Lýksor qalasynda aıaq kıim tazalaýmen aınalysyp júr. Onyń qyzy búginde boı jetken. Áli kúnge deıin anam otbasyn asyrap otyr deıdi ol.