22 naýryz. Astana. Qamshy.kz –Ulystyń uly kúni naýryz merekesine oraı Astana qalasynda «Ansar krýız» kompanıasy qajylarǵa arnaıy merekelik dastarhan jaıdy.

Alla Taǵala qasıetti Quran Kárimniń «Álı-Ǵımran» 97-aıatynda; «Munda kelýge shamasy kelgen adamnyń bári Alla úshin sol úıge (Qaǵbaǵa) qajylyq jasaýǵa mindetti»,-deıdi. Sondyqtan da qajylyq – qasıetti bes paryzdyń biri. Iaǵnı, dáýleti jetken musylmandardyń mindeti. Búgin, Elordamyzdaǵy «Suńqar» meıramhanasynda, qajylyq paryzyn óteýshi otandastarymyzǵa kóp jyldan beri qyzmet jasap kelgen, «Ansar krýız» qajylyq kompanıasynyń basshysy Nurjamal Tashanova apamyzdyń bastamasymen, elimizdiń túkpir-túkpirinen jınalǵan qajylar naýryz dastarhanynda bas qosty. Merekelik dastarhanǵa ár jyldary Astana, Almaty qalalary men Aqmola, Shyǵys Qazaqstan, Qaraǵandy, Pavlodar, Jambyl, Qostanaı, t.b oblystardan qasıetti Mekke men Medına qalalaryna bolyp qajylyq paryzyn atqarǵan 200-ge jýyq qajylar jınaldy.

Áýeli, merekelik dastarhan jaıyp, ıgi is-sharanyń uıymdastyrylýyna túrtki bolǵan, «Ansar krýz» qajylyq kompanıasynyń basshysy Nurjamal Tashanova qasıetti paryz bolǵan qajylyqtyń mán-mańyzyna toqtalyp, jınalǵan qajylardy men barlyq qazaqstandyqtardy samarqannyń kók tasy jibigen áz naýryz merekesimen quttyqtady. Osydan keıin elimizdiń árbir oblystarynan kelgen qajylar quttyqtaý sózderi sóılep, merekelik kóńil-kúılerimen bólisip, Nurjamal apaıǵa degen ystyq yqylastarymen bólisti. Dastarhan barysynda taǵylymdy dinı ádebıetter taratylyp, «Ansar kýrz» kompanıasynyń 2014 j. akbar qajylyqtaǵy Mekke-Medına qalalaryndaǵy qajylyq saparynyń arnaýly dıskisi berildi.