QAMSHY.KZ
"Asa Qurmetti, Qazaq Atamnyń uly qarýy QAMSHY! Bul «áńgimelesý» oıdan shyǵarylǵan dúnıe emes. Shyn sózim. Senbeseńder, 5 synyptyń tarıh kitabyn aldyryp oqyńyzdar jáne tilshilerińizdi úılerinde 5 synypta oqıtyn balalary bar adamdarǵa jiberip suratyp kórińizder".Jaqynda mende mynadaı bir jaǵdaı boldy. Óz kóligimmen kele jatsam, jolda avtobýstyń qasynda jas balalar tur eken. İshinen bir jas áıel qol kóterdi. "Aǵa kóligimiz buzylyp qaldy, mynalar meniń oqýshylarym" dep, kóligime syıǵanynsha qalaǵa ala ketýimdi ótindi. Syıǵanynsha mingizip aldym. Balalarmen jón surastym. Sondaǵy áńgimemizdi sol kúıinde bereıin: - Qaı synypta oqısyńdar? - 5-synypta. - Búgingi ótken sabaqtaryńnyń ishinen eń unaǵany qaısysy? - Tarıh. - Nege? - Biz búgin odan Darvın degen atamyzdyń bar ekenin, Adamdardyń qaıdan shyqqanyn jáne Atamyzdyń kim ekenin bildik. - Báriń birdeı shýlamaı, ishterińnen tarıh pánin jaqsy oqıtyn bireýiń jaýap berińder? Adamdar qaıdan shyǵypty? - Aǵa biz maımyldan týyppyz. - Apaılaryń ony qalaı dáleldedi? - Olar adamdar sıaqty eki aıaqpen júredi jáne adamnyń maımyldan shyqqanynyń basty dáleli olar banan jegen de, adamdar sıaqty qabyǵyn arshyp jeıdi. Jáne onyń dálelderi sýretterimen birge tarıh kitap ta jazýly tur. - Basqa ne aıtty? - Keıbireýler Adamdar Adam atadan taraǵan, al adamdardy Qudaı jaratty dep te aıtady. Biraq, bul durys emes. Balalar, sender ondaı áńgime estip jatsańdar, ondaı ótirikke senip qalyp júrmeńder dedi. - Basqa ne aıtty? - Adamdardyń minezderiniń, keskin-kelbetteriniń jáne boılary men deneleriniń ártúrli bolatyn sebebi, sender de ártúrli maımyldan jaratylǵansyńdar. Mysaly, maǵan seniń arǵy atań «gorıla» dedi (men ózgelerden boıshań jáne irimin), mynaǵan (qasyndaǵy qyzdardy kórsetip) bireýine shımpanze, bireýine orangýtań, aralaryńda martyshkadan da jaratylǵandar bar dedi. Qasynda otyrǵan bir qyz bala sózge aralasyp, "Aǵaı! Aǵaı! Siz qaısysynan jaraldyńyz, ıaǵnı sizdiń Atańyz kim?" dedi? Aýzyma sóz túspeı, abdyrap qalyp, "Aınalaıyndar! Men maımyldan jaratylǵanym joq, men Adam Ata men Haýa Anadan taraımyn, al olardy Qudaı jaratty" dedim. Qasyndaǵy taǵy biri «Aǵa sizdiń arǵy atańyz Gorıla ǵoı» dedi (uzyn boıly, iri denelimin). - Úp-úlken bolyp, nege ótirik aıtasyz? Bizben birge oqyǵanyńyzda únemi eki alatyn oqýshy siz bolar edińiz. Durys eken dedim ishteı kúıinip, men qazir qazaqtyń Ata saltyn ulyqtaǵanym úshin tek qana «eki» alyp júrmin. Áńgimemiz osy jerge kelgen de, qalaǵa da keldik, olar rahmetterin aıtyp, jónderine ketti.
Mámbetkárim Qojyrbaıuly
Pikir qaldyrý