29 tamyzda Astanada «Chaplin» kınoteatrynda «Qazaqstan» teleradıokorporasıasynyń kúzgi televızıalyq maýsymynyń tanystyrylymy ótti, dep habarlaıdy Qamshy.kz aqparat agenttigi.
Sharada «Qazaqstan», «Qazsport» jáne «balapan» telearnalarynyń jetekshileri jańa maýsymdaǵy jobalarmen tanystyryp, bolashaqtaǵy josparlarymen bólisti. Sonymen, ádettegideı qyrkúıek aıynda «Qazaqstan» arnasynyń jańa jobalary kórermenge jol tartatyn bolady. Máselen, tanymal «QAREKET» tok-shoýynyń formaty ózgeredi. Endi, Beısen Quranbekpen birge baǵdarlamany jańa júrgizýshiler, tanymal kásibı jýrnalıser: Serik Ábiken, Nurbol Batyrbaı, Dosan Qyzaıbek jáne Esbolat Aıdabosyn júrgizetin bolady. Sondaı-aq, qyrkúıek aıynda kún saıyn shyǵatyn jańa otbasylyq «SHANYRAQ» tok-shoýynyń júrgizýshisi Juldyz Abdýkarımova bolmaq. Odan basqa, senbilik oıyn-saýyqtyq «QAIYRLY KESH, QAZAQSTAN!», densaýlyq salasyn taldaıtyn «SHIPAGER» tanymdyq baǵdarlamalary usynylatyn bolady. Taǵy da aıta ketetin jańalyq, «JAN JYLYY» atty áleýmettik joba efırge qaıta oralady.
Jańa maýsym aıasynda kórermender «Otyńdy óshirme», «Kúı ǵumyr», «Keıki mergen», «Abysyndar», «Janym meniń», «Raýan», «Ósıet», «Armanǵa 20 qadam», «Shyraǵym» atty jańa otandyq telehıkaıalardy, «Jańa qonys», «Kózaıym» týyndylarynyń úshinshi maýsymyn tamashalaıtyn bolady. Sonymen qatar, derekti fılmder tizbegi «Uly dala ulaǵaty», «Kóshpendiler», «Vırtýaldy soǵystyń jazbalary», «Aqqan juldyz» jáne t.b týyndylarmen tolyqtyrylmaq.
«Qazaqstan» jáne «Qazsport» arnalarynyń jańa televızıalyq maýsymynyń negizgi jańalyǵy - «Qazaqstan FIGHTER» biregeı realıtı-shoýy. Joba maqsaty - sport pen básekelestik rýhty, salaýatty ómir saltyn damytýmen qatar, MMA kásibı sport túrin keńinen nasıhattaý. Mundaı biregeı joba qazaqstandyq televızıa naryǵynda alǵash ret usynylmaq. Ádilqazylar quramyn tanymal sportshylar, bapkerler, Olımpıada chempıondary quraıdy. Aıta keteıik, «Qazsport» telearnasy sport álemindegi basty jáne aýqymdy sharalardy kórsetýdi jalǵastyrady. Jaqyn arada sportsúıer qaýym Jánibek Álimhanulynyń jekpe-jegin, al jeltoqsan aıynda Qanat Islam jáne Meıirim Nursultanovtyń qatysýymen ótetin jekpe-jekterdi tamashalaı alady. Sonymen qatar, telekórermender ádettegideı Chempıondar Lıgasy men Eýropa Lıgasy, ÝEFA oıyndaryn, QHL oıyndaryn, «Barys» hokeı klýbynyń oıyndaryn, Qazaqstan Premer-Lıgasyn, fýtboldan Qazaqstan Kýbogyn, kúresten jáne dzúdodan Álem chempıonattaryn kóretin bolady. Odan bólek, «Qazsport» telearnasy ulttyq sport túrlerin nasıhattap qana qoımaı, kórsetilimderiniń kólemin ulǵaıtýdy kózdep otyr. Jańa maýsymǵa «balapan» arnasy kishkentaı kórermenderine kóptegen anımasıalyq serıaldar, ǵylymı-tanymdyq, saýyqtyq jobalar toptamasyn daıyndady. Bıylǵy jyly anımasıalyq fılmder kólemi anaǵurlym artty. Telearna óz kórermenderine «Ertemir», «Aıdar», «Dala oıyndary», «Shahmat patshalyǵy», «Qońyr qaz», «Erkeler», «Babalar sózi», «Dara tulǵa», «Kel, shyrqaıyq» sıaqty 10 anımasıalyq serıal ázirledi. Sonymen qatar, telearna kontenti «Bıle, balapan», «Dos bolaıyq», «Ámıan», «Kóke», «Synyq synyp» sıaqty jańa, qyzyqty jobalarmen tolyqty. Taǵy bir jańalyq, kúzgi maýsymda «Qazaqstan» teleradıokorporasıasynyń quramyna taǵy da bir jańa «Tamasha tv» telearnasy qosyldy. Telearna efıri korporasıanyń ishki teleónimderimen tolyqtyrylatyn bolady. Aıta ketsek, «Ázil álemi» «Jaıdarman», « Haha-shoý», «Ázil Man», «Kóńildi tapqyrlar alańy», «Qyzyq eken», komedıalyq telehıkaıalar jáne t.b.
«Tamasha TV» telearnasynyń ortasha táýliktik habar taratý ýaqyty 22 saǵatty quraıtyn bolady. «Tamasha tv» arnasy OtauTV jáne iDTV paketterinde HD formatynda qoljetimdi bolmaq. Sondaı-aq, aldaǵy ýaqytta basqa da kabeldik operatorlarda SD formatta taratylatyn bolady.
