Qazaqstandyq dzúdoshy Eldos Jumaqanov Indonezıada ótip jatqan 2018 jylǵy Azıa oıyndarynyń qola júldesin ıelendi, dep habarlaıdy vesti.kz.

66 kelige deıingi salmaqta kúresetin Jumaqanov sońǵy jekpe-jeginde katarlyq Aıýb Ál-Idrıssımen beldesti.

Aıta ketken jón, 28 jastaǵy Jumaqanov Azıadaǵa alǵash ret qatysyp otyr. Byltyr ol Azıa chempıonatynyń fınalyna deıin jetken, al onyń aldynda eki ret qola júldegeri bolǵan.

Jumaqanovtyń júldesi Qazaqstan úshin 2018 jylǵy Azıadada 50-shi boldy. Jalpy elimizdiń qorjynynda 33 qola, segiz altyn jáne toǵyz kúmis bar.

Munyń aldynda 48 kelige deıin beldesetin Galbadrah Otgonseseg 2018 jylǵy Azıadanyń qola júldesine qol jetkizgen. Úshinshi oryn úshin dzúdoshy qyzymyz qytaılyq Iao Súnmen kúresip, ony anyq basymdyqpen (esep 10:0) jeńdi.

Sonymen birge, qazaqstandyq veloshabandoz Artem Zaharov tórt shaqyrymǵa jekeleı jarysta kqola júlde ıelengen edi.