Nursultan Nazarbaev Qyrǵyz Respýblıkasynyń Prezıdenti Sooronbaı Jıenbekovpen kezdesti dep habarlaıdy Qamshy.kz aqparat agenttigi Aqordanyń baspasóz qyzmetine silteme jasap.
Memleket basshysy Nursultan Nazarbaev Sooronbaı Jıenbekovti Qyrǵyz Respýblıkasynyń Táýelsizdigi kúnimen quttyqtap, baýyrlas halyqqa tynyshtyq pen turaqtylyq jáne baq-bereke tiledi.
– Qazaq pen qyrǵyzdan jaqyn halyq joq. Táýelsizdiktiń alǵashqy kúnderinen bastap men árdaıym Qyrǵyzstandy qoldap kelemin, – dedi Qazaqstan Prezıdenti.
Memleket basshysy eki el arasynda jol kartasy qabyldanyp, úkimetaralyq komısıa tıimdi jumys istep jatqanyn aıtty.
– Siz Prezıdent bolyp saılanǵannan beri biz jıi kezdesip, kóptegen máselelerdi talqyladyq. Eki jaqty qarym-qatynastar jańa deńgeıge kóterilýde. Saýda-sattyq kólemi artyp keledi. Búginde elderimiz arasyndaǵy barlyq problemalar, sonyń ishinde shekaralyq máseleler tolyq sheshimin tapty, – dedi Qazaqstan Prezıdenti.
Sooronbaı Jıenbekov shaqyrýyn qabyl alyp, Sholpan-Ataǵa kelgeni úshin Nursultan Nazarbaevqa rızashylyq bildirip, eki el arasyndaǵy qatynastardyń dostyq sıpatyn atap ótti.
Memleketter basshylary kezdesý sońynda eki jaqty yntymaqtastyqty odan ári damytýdyń perspektıvalaryn talqylap, óńirlik jáne halyqaralyq kún tártibindegi máseleler jóninde pikir almasty.
