Jýyrda Reseı televızıasyndaǵy eń daýly baǵdarlamalardyń birine qatysqan Petropavlovskilik Anar Baımaoldına esimdi áıel eshkim kútpegen málimdeme jasaǵan. Bul týraly "Qamshy" portaly "Pýstgovarát" baǵdarlamasynyń áleýmettik paraqshasyna silteme jasaı otyryp habarlaıdy.
33 jastaǵy Anar Baımoldına Soltústik Qazaqstannyń Petropavlovski qalasynyń turǵyny bolyp shyqty. Ol Reseılik "Pýstgovarát" baǵdarlamasynyń keıipkeri bolǵan Bashqurtstan Respýblıkasy Nıkolaevka aýylynyń turǵyny Sergeı Beloýsovqa baǵdarlama ústinde ǵashyq bolyp, tipti turmysqa shyǵýǵa da daıyn ekenin aıtqan.
Oqıǵa tómendegideı órbigen, jaqynda eń daýly tok-shoý - "Pýst govarátqa" 33 jastaǵy Sergeı Beloýsov esimdi kópbalaly áke keıipker bolyp keledi.
"5 balasyn jalǵyz ózi ósirip otyrǵan batyr ákeniń erligine tánti bolǵan baǵdarlama qonaqtary qur qarap otyra almady. Sergeıdiń qajyrlylyǵy men erligi kópke úlgi bolarlyq edi. Tipti, bizdiń saıtymyzǵa Sergeıdiń atyna kóptegen hattar kelip túsip jatyr. Olardyń ishinde, Qazaqstannan, Ýkraınadan, Reseıden, tipti, AQSH-tan da hattar kóp. Bizdiń saıtymyzdan Sergeı týraly aqparattardy alyp, Qazaqstannan Anar Baımoldına esimdi áıel kelip, Sergeıge sóz saldy. Anar Sergeı ekeýi taǵdyrlas eken. Anar da 4 balany jalǵyz tárbıelep otyrǵan batyr ana eken",-deıdi baǵdarlama júrgizýshisi Andreı Malahov.
"Birinshiden, ol maǵan erkek retinde, batyr áke retinde unady. Meniń ómirdegi armandarymnyń biri - meni emes, balalarymyzdy jaqsy kóretin erkek jolyqtyrý edi. Men balalarymdy jalǵyz tárbıelep otyrǵan myqty áıelmin. Biraq, meniń janymda menen de myqty erkek bolsa durys dep oılaımyn",-degen Anar Baımoldına.
Onyń aıtýynsha memleketter arasyndaǵy shekara, onyń sezimine tosqaýyl bola almaıdy eken.
"Men ózi elimniń asqan bir patrıoty emespin. Meniń ómirimdegi jeke baqytymnyń jolynda Reseı me? Álde Qazaqstan ba? Maǵan aıyrmashylyq joq. Men Reseıge kóship kele alamyn",-deıdi Anar Baımoldına.
Al baǵdarlama keıipkeri bolyp otyrǵan Sergeı Beloýsov bolsa qazaqstandyq jesir áıeldiń bul usynysyn qabyldamaı qoıǵan.
Nurzat Toǵjan
