Búgin, 2015 jylǵy 27 naýryzda, Á.Qusaıynov Almatyda birqatar kásiporyn jumysshylarymen kezdesý ótkizdi.

Alǵashqy kezesý «OBIS» Kompanıa» JSHS-synda ótti.

Á.Qusaıynov ekologıalyq jáne ónerkásiptik qaýipsizdik máselesin kóterdi.

«Búginde ǵalamshardy aınalǵan ozon qabatynyń buzylýy, Álem muhıttaryndaǵy sýdyń lastanýy, jerdiń lasnaýy, topyraqtyń qunarsyzdanýy, bıologıalyq tirshiliktiń azýy jáne t.b. máseleler ózekti bolyp tabylady.

Qazirgi ýaqytta ekologıa bıologıanyń sheńberinen shyǵyp, adamzattyń qorshaǵan ortamen qarym-qatynasyn zertteıtin pánaralyq ǵylymǵa aınaldy.

Ekologıa «adam – tabıǵat» problemasyn zertteýde kúrdeli ári uzaq joldan ótti.

Adam men Tabıǵat arasyndaǵy qarym-qatynastyń ózindik ereksheligi bar. Adamǵa sana berildi, sol arqyly ol tabıǵatta alatyn ornyn aıqyndap, Jer júzinde óz jaratylysynyń mánin túsinýge múmkindik aldy.

Qazirde ekologıany «adamzattyń jeke úıi» – bıosfera týraly, onyń erekshelikteri, adammen qarym-qatynasy jáne baılanysy, al adamnyń jalpy qoǵammen baılanysy týraly ǵylym dep te atap júr.

Bıologıa sheńberindegi derbessiz pánnen ekologıa keshendi pánaralyq ǵylymǵa – aıqyn dúnıetanymdyq mazmuny bar zamanaýı ekologıaǵa aınaldy.

Búgingi kúni ekologıa tiri organızmderdiń qorshaǵan ortamen baılanysy týraly bıologıalyq ǵylym degen bastapqy túsiniginen alshaq birneshe ǵylymı salalarǵa jáne pánderge bólinedi.

Qazirgi zamanǵy ekologıa tek bıologıanyń ǵana emes, jalpy jaratylystaný ǵylymdarynyń sheńberinen daralanyp shyqty. Zamanaýı ekologıanyń ıdeıalary men prınsıpteri dúnıetanymdyq mazmunǵa ıe, sonyń negizinde ekologıa adamzat jáne mádenıet týraly ǵylymdarmen ǵana emes, sondaı-aq fılosofıamen de tyǵyz baılanysta. Júz jyldan astam tarıhy bar ǵylymnyń osynshalyqty ózgeriske ushyraýyna qarap, zamanaýı ekologıa serpindi damýshy ǵylym degen qorytyndy jasaýǵa bolady», - dedi Á.Qusaıynov.

Jalpy alǵanda, Á.Qusaıynov pen jumysshylar arasyndaǵy kezdesý mazmundy ári qyzyqty ótti.