Búgin T.Syzdyqov óz jumysy sheńberinde Kókshetaý qalasynda kezdesý ótkizdi.
Alǵashqy is-shara «Kókshe» Akademıasynda» ótip, stýdentter qaýymymen kezdesti.
Kezdesýde QKHP Aqmola oblystyq komıtetiniń birinshi hatshysy B.D. Májıtov moderator boldy.
T.Syzdyqov óz sózinde batystyq mádenıettiń kóleńkeli yqpaly týraly másele kóterdi.
«Gollıvýdtik fılmder men batystyq kompúterlik oıyndarda zorlyq-zombylyqqa toly.
Batystyq moda kúndelikti kıip júrgen kıimderdiń elikter úlgisi bolýdan qaldy.
Búginde batystyq mádenıettiń negizinde ne jatyr – zorlyq-zombylyq pen óńsheń adamgershilikke jat qylyqtar, ózin-ózi jetildirýge, damytýǵa degen qulshynys joq.
Batystyq tamaqtaný júıesi, ólsheýsiz kólemde fast-fýd tutyný adamdardyń densaýlyǵyn qaýipke tigip otyr.
Bul júıe az shyǵynmen mol tabys tabýdy ǵana maqsat tutady.
Zıandy azyq-túlikti tutynýdyń saldarynan túrli aýrý-syrqaýlar týyndaýda.
Durys tamaqtanbaý jáne salaýatty ómir saltyn ustanbaýdyń kesirinen semizdikke, aqyl-estiń aýytqýy syndy túrli dertterge shaldyqqan elder reıtıńinde Batys memleketteri alda keledi», - dep atap ótti T.Syzdyqov.
Sondaı-aq T.Syzdyqov «Kókshetaý mıneraldy sýlary» JSHS jumysshylarymen kezdesti.
İs-sharany QKHP Aqmola oblystyq komıtetiniń birinshi hatshysy B.D. Májıtov ashty.
«Barlyq kompúter oıyndarynda balalardyń sanasyna tereń boılap, agresıa týdyratyn vırýstar bar.
Batystan esken zorlyq-zombylyqqa negizdelgen nasıhat adamdy aqyl-esten, parasattan aıyrady.
Sheteldik kıim-keshek, mýzyka, fılmder men serıaldar jastardy «duǵalap» qoıǵandaı. Batystyq ómir súrý saltynyń kesirinen bala týý deńgeıi tómendep, jastar jaýapkershilikten qashýda.
Tipti, Batystaǵy múltfılmderdiń túr-tulpaty joq keıipkerleri bir-birin balaǵattap, qyryp-joıyp jatady. Munyń bári joǵaryda atap ótken kúrdeli máselelerdiń birden-bir sebebine aınaldy. Dál osyndaı batystyq ónimder balalarymyzdy qatygezdikke, arsyzdyqqa tárbıeleýde.
Gollıvýdtik standarttardyń bári tek tabys tabýǵa negizdelgen.
Sonyń saldarynan Batysta adamdar bir-birimen aralasýdan qaldy», - dedi T.Syzdyqov.
