Búgin Qazaqstan Prezıdenttigine kandıdat Nursultan Ábishuly Nazarbaevtyń Respýblıkalyq qoǵamdyq shtaby músheleri aımaqtar boıynsha nasıhat júrgizý úshin jolǵa shyqty. Osy oraıda nasıhat tobynyń eń aldymen Qaraǵandy oblysyna at basyn burýy beker emes. Sebebi Ult Kóshbasshysynyń eńbek joly dál osy jerden bastaý alǵan bolatyn.

Delegasıa quramynda – Respýblıkalyq qoǵamdyq shtab jetekshisi Muhtar Qul-Muhammed, Qazaqstan Partıottary partıasynyń tóraǵasy Ǵanı Qasymov, «Aq jol» demokratıalyq partıasynyń tóraǵasy Azat Perýashev, «Birlik» partıasynyń tóraǵasy Serik Sultanǵalı, «Atameken» UKP basqarma tóraǵasy Abylaı Myrzahmetov, QHA Tóraǵasynyń orynbasary Anatolıı Bashmakov, qoǵam qaıratkeri Oralbaı Ábdikárim, májilis depýtattary Maıra Aısına, Asqar Bazarbaev, Muhtar Tinikeev jáne Serikjan Qanaev, senat depýtaty Muhtar Altynbaev, Qazaq taǵamtaný akademıasynyń prezıdenti Tóregeldi Sharmanov, olımpıada chempıony Serik Sápıev jáne basqa da tanymal qazaqstandyqtar bar.

Elimizdiń óndiris ortalyǵynda aımaq aktıvterimen, stýdent jastarmen, kásipkerlermen, «Arselor Mıttal Temırtaý» AQ shahterlerimen jáne etnomádenı birlestikterdiń ókilderimen birqatar kezdesýler ótti.

Qaraǵandylyqtar údemeli ındýstrıalyq-ınnovasıalyq damý baǵdarlamasy úshin Nursultan Ábishuly Nazarbaevqa alǵys bildirdi. Osy baǵdarlama aıasynda sońǵy 5 jylda oblysta 59 kásiporyn iske qosylyp, 5000 jańa jumys orny ashyldy.

Aımaqtyń qoǵam qaıratkeri Tatána Savıskaıa qazaqstandyq áıelder qaýymy atynan elimizde ornaǵan beıbitshilik, turaqtylyq pen tynyshtyq úshin Nursultan Ábishuly Nazarbaevqa sheksiz rızashylyǵyn jetkizdi.

Respýblıkalyq qoǵamdyq shtab jetekshisi atap ótkendeı, Ult Kóshbasshysy Nursultan Ábishuly Nazarbaevtyń saıasatynyń arqasynda Qazaqstan elimizdi damýdyń jańa deńgeıine kóteretin uly ózgeristerge qaraı qadam basqaly tur.

Kezdesýlerge myńdaǵan qaraǵandylyq qatysty. Óz sózderinde olar Memleket basshysy Nursultan Ábishuly Nazarbaevtyń saıasatynyń arqasynda Qazaqstan zor jetistikterge qol jetkizgenin atap ótti.

Halyq memleketimizdi myqty kóshbasshy basqarǵanyn qalaıdy. Sol sebepti Ortalyq Qazaqstannyń turǵyndary biraýyzdan 2015 jyly 26 sáýirde respýblıkamyzdyń gúldenýi úshin, ıaǵnı, Nursultan Ábishuly Nazarbaev úshin daýys beretinderin málim etti.