Qazaqstanda UBT-ǵa daıyndaıtyn elektrondy jattyǵý alańy ashyldy, - dep habarlaıdy YK-news.kz. Jattyǵý kezinde joǵary bal jınaǵan bolashaq talapkerge Qanysh Sátbaev atyndaǵy Qazaq Ulttyq tehnıkalyq ýnıversıtetiniń granty beriledi. Portaldyń málimetinshe, UBT-ǵa daıyndaıtyn elektrondy jattyǵý alańy Internet arqyly jumys isteıdi. Almatydaǵy mektepterdiń biriniń burynǵy túlekteri oılap tapqan mundaı ıdeıany QR Bilim jáne ǵylym mınıstrligindegiler quptap, jobanyń iske asýyna kómek kórsetken. Aıta keteıik, ótken jylǵy testileýdiń bazasy www.viktoriny.kz ınternet-servısine salynǵan. Endi kez kelgen mektep oqýshysy tegin testileýden ótip, qolyn jattyqtyra alady. 1 sáýirge deıin daıyndyqqa kiriskenderdiń arasynda júlde oınatylady. Arnaıy jobanyń avtory Shyńǵys Sadyqovtyń aıtýynsha, jattyǵý barysynda eń joǵary bal jınaǵandar UBT jaqyndaǵan kezde irikteledi. Biraq granttyń kimge buıyratynyn shynaıy testileýdiń qorytyndysy anyqtap beredi. "Árıne, biz túsinemiz, elektrondy jattyǵý alańyna qatysýshylar Internetti, shpargalkany paıdalanýy múmkin. Sondyqtan jeńimpaz UBT-nyń qorytyndysy boıynsha anyqtalady. Granttan bólek mektep túlekterine ózge de syılyqtar beriledi", - deıdi ol.